ന്യൂയോർക്ക് : പ്രധാനമന്ത്രി നരേന്ദ്രമോദിയെയും അദ്ദേഹത്തിന്റെ പ്രവർത്തനങ്ങളെയും പ്രശംസിച്ച് ജെപി മോർഗൻ ചേസ് ആൻഡ് കമ്പനി ചീഫ് എക്സ്ക്യൂട്ടീവ് ജാമി ഡിമോൺ. ഇന്ത്യയിൽ മോദി അവിശ്വസനീയമായ മുന്നേറ്റങ്ങളാണ് നടത്തുന്നത്. സാങ്കേതികവിദ്യയിലും ധനകാര്യത്തിലും ഇന്ത്യയുടെ പുരോഗതി എടുത്ത് പറയേണ്ട കര്യം ആണെന്നും അദ്ദേഹം പറഞ്ഞു. ന്യൂയോർക്കിലെ ഇക്കണോമിക് ക്ലബ് സംഘടിപ്പിച്ച പരിപാടിയിൽ സംസാരിക്കുകയായിരുന്നു ജാമി ഡിമോൺ .
ഇന്ത്യ നിരവധി വെല്ലുവിളികൾ നേരിടുന്നുണ്ടെങ്കിലും മോദിയുടെ നേതൃത്വത്തിൽ അതിനെയെല്ലാം മറികടക്കുന്നു. മോദിയെ പോലെയുള്ള ഒരു നേതാവാണ് ഞങ്ങളുടെ രാജ്യത്തെ നയിക്കേണ്ടത് എന്ന് ഡിമോൺ പറഞ്ഞു. കൂടാതെ ഇന്ത്യയുടെ വിദ്യാഭ്യാസ രീതിയെയും അദ്ദേഹം പ്രശംസിച്ചു.
ഇന്ത്യയിലെ നികുതി സമ്പ്രദായവും ഏറെ അംഗീകരിക്കപ്പെടേണ്ട ഒന്നാണ്. മോദിയുടെ ഭരണത്തിൽ 400 ദശലക്ഷം ആളുകളെ ദാരിദ്രത്തിൽ നിന്ന് കരകയറി.അവിടുത്തെ കോടിക്കണക്കിന് വരുന്ന ജനങ്ങൾ എല്ലാവർക്കും തന്നെ ബാങ്ക് അക്കൗണ്ടുകൾ ഉണ്ട്. ഈ അക്കൗണ്ടുകൾ വഴിയാണ് ട്രാൻസാക്ഷനും പേയ്മെന്റുമെല്ലാം നടക്കുന്നത് എന്നും ജാമി ഡിമോൺ കൂട്ടിച്ചേർത്തു.
Discussion about this post