ആലപ്പുഴ: യൂത്ത് കോൺഗ്രസ് മുൻ സംസ്ഥാന പ്രസിഡന്റും എം.എൽ.എയുമായിരുന്ന രാഹുൽമാങ്കൂട്ടത്തിലിനെതിരെ സാമൂഹികമാധ്യമങ്ങളിൽ പോസ്റ്റിട്ടതിന്റെ പേരിൽ മാവേലിക്കര സ്വദേശിഅരുൺ ശിവൻകുട്ടിയെ കടുത്ത രീതിയിൽ വേട്ടയാടുന്നുവെന്ന് ആരോപണം. സംഭവത്തിൽപോലീസിന്റെയും യൂത്ത് കോൺഗ്രസ് പ്രവർത്തകരുടെയും നടപടിക്കെതിരെ വ്യാപകപ്രതിഷേധവുമായി ഡി.വൈ.എഫ്.ഐ രംഗത്തെത്തി. പോലീസിന്റെ കസ്റ്റഡിയിലുള്ളപ്പോൾ എടുത്തസ്വകാര്യ ചിത്രങ്ങൾ യൂത്ത് കോൺഗ്രസ് പ്രവർത്തകരുടെ കൈകളിൽ എത്തിയതിലുംതെളിവെടുപ്പിനിടെ മർദ്ദനമേറ്റ സംഭവത്തിലുമാണ് ജനരോഷം ഇരമ്പുന്നത്.
രാഹുൽ മാങ്കൂട്ടത്തിലിനെ വിമർശിച്ച് സോഷ്യൽ മീഡിയയിൽ പോസ്റ്റിട്ടതിനെ തുടർന്ന് പത്തനംതിട്ടസൈബർ പോലീസ് അരുണിനെതിരെ കേസ് രജിസ്റ്റർ ചെയ്തിരുന്നു. തുടർന്ന് അന്വേഷണത്തിന്റെഭാഗമായി തെളിവെടുപ്പിനായി പത്തനംതിട്ട ജില്ലാ പോലീസ് മേധാവിയുടെ ഓഫീസിലെത്തിയപ്പോൾ, പോലീസ് ഉദ്യോഗസ്ഥരുടെ സാന്നിധ്യത്തിൽ തന്നെ ഒരു സംഘം ആക്രമിക്കുകയായിരുന്നുവെന്ന്അരുൺ വെളിപ്പെടുത്തി. സ്റ്റേഷനിൽ വെച്ച് അരുണിന്റെ ഉടുപ്പിടാത്ത ചിത്രങ്ങൾ പോലീസ്പകർത്തിയിരുന്നു. എന്നാൽ ഈ ചിത്രങ്ങൾ പിന്നീട് യൂത്ത് കോൺഗ്രസ് നേതാക്കളുടെയുംപ്രവർത്തകരുടെയും വാട്‌സ്ആപ്പ് ഗ്രൂപ്പുകളിലും സാമൂഹികമാധ്യമങ്ങളിലും വ്യാപകമായിപ്രചരിക്കപ്പെടുകയായിരുന്നു.
പോലീസ് ഉദ്യോഗസ്ഥരുടെ ഭാഗത്തുനിന്ന് ഗുരുതരമായ വീഴ്ചയും ഒത്തുകളിയുമാണ് ഇവിടെഉണ്ടായിരിക്കുന്നതെന്ന് ഡി.വൈ.എഫ്.ഐ നേതൃത്വം ആരോപിച്ചു. അരുണിന്റെ പരാതിയിൽപോലീസിന് നൽകിയ മൊഴികളും സ്വകാര്യ വിവരങ്ങളും ചോർന്നതിനെക്കുറിച്ച് അന്വേഷണംവേണമെന്ന് ആവശ്യപ്പെട്ടിട്ടും ഇതുവരെയും യാതൊരു നടപടിയും സ്വീകരിച്ചിട്ടില്ല.
