ചെന്നൈ: കാണാതായ തമിഴ്നാട് കോൺഗ്രസ് നേതാവിൻ്റെ മൃതദേഹം കൃഷിയിടത്തിൽ കത്തിക്കരിഞ്ഞ നിലയിൽ കണ്ടെത്തി. തിരുനെൽവേലി ഈസ്റ്റ് ജില്ലാ ഘടകം പ്രസിഡൻ്റായിരുന്ന കെപികെ ജയകുമാര് ആണ് മരിച്ചത്.
രണ്ട് ദിവസം മുന്പാണ് ജയകുമാറിനെ കാണാതായത്. ഇതേതുടര്ന്ന്, കുടുംബം പോലീസില് പരാതി നല്കിയിരുന്നു.
ഇതിനിടെയാണ് മൃതദേഹം കണ്ടെത്തിയത്. സമീപത്തുനിന്ന് ഒരു കുറിപ്പും കണ്ടെത്തിയിട്ടുണ്ട്. എന്നാൽ, ഇത് അദ്ദേഹം താൻ എഴുതിയതാണോ എന്ന് പോലീസ് അന്വേഷിച്ചു വരികയാണ്. സംഭവത്തില് അന്വേഷണം ആരംഭിച്ചതായി പോലീസ് പറഞ്ഞു.
