പാരീസ് : ഫ്രഞ്ച് ഓപ്പണിൽ ഹാട്രിക് നേട്ടവുമായി പോളണ്ട് താരം ഇഗ സ്വിറ്റെക്. ഇറ്റലിയുടെ ജാസ്മിൻ പൗളിനിയെ 6-2, 6-2 എന്ന സ്കോറിന് തോൽപ്പിച്ചാണ് ഇഗ തുടർച്ചയായ മൂന്നാം തവണയും ഫ്രഞ്ച് ഓപ്പൺ കിരീടം ഉയർത്തിയത്. ഇഗയുടെ നാലാമത് ഫ്രഞ്ച് ഓപ്പൺ കിരീടം കൂടിയാണ് ഇത്.
ലോക ഒന്നാം നമ്പർ താരമാണ് പോളണ്ടിൽ നിന്നുള്ള 23-കാരിയായ ഇഗ സ്വിറ്റെക്. 2007-ൽ ഹെനിന് ശേഷം പാരീസിൽ തുടർച്ചയായി മൂന്ന് തവണ വിജയിക്കുന്ന ആദ്യ വനിതയായും കിരീട നേട്ടത്തോടെ ഇഗ മാറി . സെറീന വില്യംസിനെ കൂടാതെ മാഡ്രിഡ്-റോം-പാരീസ് ട്രിപ്പിൾ നേടിയ ഏക വനിതാ താരവും കൂടിയാണ് നിലവിൽ ഇഗ സ്വിറ്റെക്.
23-ാം വയസ്സിൽ നാലാമത്തെ റോളണ്ട് ഗാരോസ് കിരീടം നേടുന്ന ഏറ്റവും പ്രായം കുറഞ്ഞ വനിതയാണ് ഇഗ സ്വിറ്റെക്. ഓപ്പൺ യുഗ മത്സരങ്ങളിലെ മൊത്തം ഗ്രാൻഡ് സ്ലാം കിരീടങ്ങളിൽ മരിയ ഷറപ്പോവയ്ക്കും മാർട്ടിന ഹിംഗിസിനും ഒപ്പം എത്താനും ഈ മൂന്നാം ഫ്രഞ്ച് ഓപ്പൺ കിരീട നേട്ടത്തോടെ ഇഗ സ്വിറ്റെകിന് കഴിഞ്ഞു.
Discussion about this post