എറണാകുളം : അന്തരിച്ച നടനും ഹാസ്യതാരവുമായ കൊല്ലം സുധിയുടെ ഭാര്യ രേണു അഭിനയരംഗത്തേക്ക്. നാടകവേദിയിലൂടെ ആണ് രേണു അഭിനയരംഗത്തേക്ക് ചുവടുവയ്ക്കുന്നത്. കൊച്ചിൻ സംഘമിത്രയുടെ ഇരട്ട നഗരം എന്ന നാടകത്തിലൂടെ ആണ് കൊല്ലം സുധിയുടെ ഭാര്യ അഭിനയരംഗത്തേക്ക് എത്തുന്നത്.
2023 ജൂൺ 5നായിരുന്നു തൃശ്ശൂർ കയ്പമംഗലത്ത് വച്ച് ഉണ്ടായ വാഹനാപകടത്തിൽ നടൻ കൊല്ലം സുധി മരിച്ചത്. സുധിയോടൊപ്പം വാഹനത്തിൽ യാത്ര ചെയ്തിരുന്ന ഹാസ്യ താരം ബിനു അടിമാലി, മിമിക്രി കലാകാരൻ മഹേഷ് കുഞ്ഞുമോൻ എന്നിവർക്കും അപകടത്തിൽ ഗുരുതരമായി പരിക്കേറ്റിരുന്നു. വടകരയിൽ നിന്നും മിമിക്രി പരിപാടി കഴിഞ്ഞ ശേഷം എറണാകുളത്തേക്ക് മടങ്ങുമ്പോൾ ആയിരുന്നു കൊല്ലം സുധി സഞ്ചരിച്ചിരുന്ന കാർ അപകടത്തിൽ പെട്ടത്.
2017ലായിരുന്നു കൊല്ലം സുധിയും രേണുവും വിവാഹിതരായിരുന്നത്. രാഹുൽ ദാസ്, ഋതുൽ ദാസ് എന്നീ രണ്ട് മക്കളാണ് കൊല്ലം സുധിയ്ക്ക് ഉള്ളത്. സുധിയുടെ മരണശേഷം കടുത്ത സാമ്പത്തിക ബുദ്ധിമുട്ടുകൾ അനുഭവിക്കുന്നതായി നേരത്തെ രേണു വ്യക്തമാക്കിയിരുന്നു. കൊല്ലം സുധിയുടെ സുഹൃത്തുക്കളാണ് വീട്ടു വാടക നൽകാൻ പോലും സഹായിക്കുന്നത് എന്നും രേണു വെളിപ്പെടുത്തിയിരുന്നു.
Discussion about this post