ചെന്നൈ : തമിഴ്നാട്ടിൽ വിദ്യാഭ്യാസമുള്ളവർ രാഷ്ട്രീയത്തിലേക്ക് കടന്നുവരണമെന്ന് തമിഴകം വെട്രി കഴകം നേതാവും നടനുമായ വിജയ്. സംസ്ഥാനത്തെ രാഷ്ട്രീയ നേതൃത്വത്തിനെതിരെ രൂക്ഷമായി വിമർശിക്കുകയും ചെയ്തു. 10 ,12 ക്ലാസുകളിൽ മികച്ച വിജയം നേടിയ വിദ്യാർത്ഥികളെ ആദരിക്കുന്ന ചടങ്ങിലാണ് വിജയ് വിമർശനം ഉന്നയിച്ചത്.
നിങ്ങൾ ഏതു മേഖലയിൽ വിജയിക്കാൻ ആഗ്രഹിക്കുന്നുവോ അതിനുവേണ്ടി കഠിനമായി പ്രവർത്തിക്കുക. ഇപ്പോൾ ഉള്ള കുട്ടികൾ ഡോക്ടർ എൻജിനീയർ എന്നിങ്ങനെ ആവണം എന്നാണ് ആഗ്രഹിക്കുന്നത്. എന്നാൽ താൻ പറയുകയാണെങ്കിൽ നമുക്ക് വേണ്ടത് മികച്ച ഡോക്ടർമാരോ എഞ്ചിനീയർമാരോ അഭിഭാഷകരോ അല്ല. തമിഴ്നാടിന് വേണ്ടത് നല്ല നേതാക്കളെയാണ്. തെറ്റും ശരിയും മനസ്സിലാക്കുന്നവർ രാഷട്രീയത്തിലേക്ക് വരണം. അതാണ് എന്റെ ആഗ്രഹം എന്നും വിജയ് പറഞ്ഞു.
സോഷ്യൽ മീഡിയയിൽ വരുന്ന കാര്യങ്ങൾ എല്ലാം നിങ്ങൾ മുഴുവനായും വിശ്വസിക്കരുത്. ഇതെല്ലാം മനസ്സിലാക്കി വേണം പുതിയ തലമുറ മുന്നോട്ട് പോകാൻ. തെറ്റുകൾ മനസ്സിലാക്കി മികച്ച നേതാവിനെ തിരഞ്ഞെടുക്കാൻ നിങ്ങൾക്ക് സാധിക്കണം എന്നും അദ്ദേഹം കൂട്ടിച്ചേർത്തു.
Discussion about this post