ലണ്ടൻ : സിഖ് ഗുരുദ്വാരയ്ക്ക് നേരെ നടന്ന ആക്രമണത്തിൽ രണ്ട് സ്ത്രീകൾക്ക് പരിക്കേറ്റ സംഭവത്തിൽ 17 വയസ്സുകാരൻ അറസ്റ്റിൽ. യുകെയിലെ ഗ്രേവ്സെൻ്റിലുള്ള ഗുരു നാനാക് ദർബാർ ഗുരുദ്വാരയിൽ ആണ് ആക്രമണം നടന്നത്. സംഭവത്തിൽ രണ്ട് സ്ത്രീകൾക്ക് ഗുരുതരമായി പരിക്കേറ്റതായി കെൻ്റ് പോലീസ് അറിയിച്ചു.
വ്യാഴാഴ്ച രാത്രി 8.10ന് ആയിരുന്നു ഗുരുദ്വാരയ്ക്ക് നേരെ ആക്രമണം ഉണ്ടായത്. ക്ഷേത്രത്തിനകത്തേക്ക് അതിക്രമിച്ചു നടന്ന പ്രതി കയ്യിലുണ്ടായിരുന്ന മൂർച്ചയേറിയ ആയുധം കൊണ്ട് അകത്തുണ്ടായിരുന്ന രണ്ട് സ്ത്രീകളെ പരിക്കേൽപ്പിക്കുകയായിരുന്നു.
കൊലപാതകശ്രമം, മതപരമായ സ്ഥലത്തുള്ള മോശമായ പെരുമാറ്റം എന്നീ കുറ്റങ്ങളാണ് അറസ്റ്റിലായ 17കാരനെതിരെ ചുമത്തിയിട്ടുള്ളത്.
സുഖാസനും ഗുരു ഗ്രന്ഥ സാഹിബ് ജിയും ദർബാർ ഹാളിൽ ഇല്ലാതിരുന്ന സമയത്താണ് ആക്രമണം നടന്നതെന്ന് ഗുരുദ്വാര വക്താവ് അറിയിച്ചു. പോലീസിന്റെ അന്വേഷണവുമായി മികച്ച രീതിയിൽ സഹകരിക്കുമെന്നും ഗുരുദ്വാര വ്യക്തമാക്കി. സിഖ് ഗുരുദ്വാരയ്ക്ക് നേരെ നടന്ന ആക്രമണം ഒറ്റപ്പെട്ട സംഭവമാണെന്നും ആശങ്ക വേണ്ടെന്നും പോലീസ് അറിയിച്ചു.
Discussion about this post