തിരുവനന്തപുരം: കനത്ത മഴയെ തുടർന്ന് വയനാട് ജില്ലയിലേയ്ക്കുള്ള വിനോദസഞ്ചാരത്തിന് വിലക്കേർപ്പെടുത്തി. ജില്ലയിൽ പലയിടത്തും വ്യാപക നാശനഷ്ടം റിപ്പോർട്ട് ചെയ്യപ്പെട്ടിട്ടുണ്ട്. ശക്തമായ മഴയെ തുടർന്ന് വയനാട്ടിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. വയനാട് കൂടാതെ, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിലും ഓറഞ്ച് അലർട്ടാണ്.
വയനാട്ടിലെ ബാണാസുര ഡാമിൽ ജലനിരപ്പ് ഉയർന്നതിനെ തുടർന്ന് പ്രദേശത്ത് റെഡ് അലർട്ട് പ്രഖ്യാപിച്ചു. ഡാമിന്റെ ഷട്ടർ ഉയർത്താൻ സാധ്യതയുണ്ടെന്നും പ്രദേശങ്ങളിൽ താമസിക്കുന്നർ ജാഗ്രത പാലിക്കണമെന്നും ജില്ലാ കളക്ടർ അറിയിച്ചിട്ടുണ്ട്. പീച്ചി ഡാമിന്റെ ഷട്ടറുകളും തുറന്നിട്ടുണ്ട്.
കേരളത്തിലെ വിവിധ ജില്ലകളിൽ വ്യാഴാഴ്ച്ച വരെ കനത്ത മഴ പെയ്യുമെന്ന് കാലാവസ്ഥാ വകുപ്പ് മുന്നറിയിപ്പ് നൽകിയിട്ടുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, പാലക്കാട് ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്.
Discussion about this post