കൊച്ചി: മുഖ്യമന്ത്രിക്കെതിരെ മൊഴി നല്‍കിയാല്‍ പത്ത് കോടി രൂപ നല്‍കാമെന്ന സിപിഎം വാഗ്ദാനം മാധ്യമങ്ങളോട് വെളിപ്പെടുത്താന്‍ പറഞ്ഞത് മുഖ്യമന്ത്രി ഉമ്മന്‍ചാണ്ടിയെന്ന് സരിത എസ് നായര്‍. പണം വാഗ്ദാനം ചെയ്തയാള്‍ പറഞ്ഞത് തനിക്ക് വിശ്വാസം വന്നില്ലെന്നും സരിത പറഞ്ഞു.
ഇപി ജയരാജനെതിരെ ആരോപണം ഉന്നയിക്കാന്‍ മുഖ്യമന്ത്രി ആവശ്യപ്പെടുകയായിരുന്നു. ഇത് പ്രകാരമാണ് മാധ്യമങ്ങളോട് ഇക്കാര്യം പറഞ്ഞതെന്നും സരിത പറഞ്ഞു.
നേരത്തെ പ്രശാന്ത് എന്നയാളാണ് വാഗ്ദാനവുമായി തന്നെ സമീപിച്ചതെന്നും, ഇ.പി ജയരാജന്‍ പറഞ്ഞിട്ടാണ് വന്നതെന്ന് അയാള്‍ പറഞ്ഞുവെന്നും സരിത വെളിപ്പെടുത്തിയിരുന്നു.പണം വാഗ്ദാനം ചെയ്തുവെന്ന മൊഴി സോളാര്‍ കമ്മീഷന്‍ സ്വീകരിക്കുകയും ചെയ്തു. ഇതിന് ശേഷമാണ് സരിത വീണ്ടും ഇക്കാര്യത്തില്‍ മുഖ്യമന്ത്രിക്കെതിരെ രംഗത്തെത്തിയത്.
Discussion about this post