കണ്ണൂർ: ബീവറേജ് കെട്ടിടത്തിന്റെ ജനൽ ചില്ല് തകർത്ത് 23 മദ്യക്കുപ്പികൾ കവര്‍ന്നു മോഷ്ടാവ്. കണ്ണൂർ കേളകത്തെ ബീവറേജ് ഔട്ട്ലെറ്റിൽ ആണ് വൻ മോഷണം നടന്നത്.
ഇന്നലെ പുലർച്ചെ ഒന്നരയോടെയാണ് സംഭവം ബീവറേജ് ഔട്ട്ലെറ്റിന്റെ പുറകുവശത്തെ ജനൽചില്ല് തകർത്തായിരുന്നു മദ്യക്കുപ്പികൾ മോഷ്ടിച്ചത്. ജനലിന് സമീപത്തായി പെട്ടിയിൽ സൂക്ഷിച്ച അര ലിറ്ററിന്റെ 23 മദ്യക്കുപ്പികളാണ് മോഷണം പോയത്.
പിന്നീടുള്ള തെരച്ചിലില്‍ കെട്ടിടത്തിന് സമീപത്ത് നിന്ന് ഉപേക്ഷിക്കപ്പെട്ട നിലയിൽ 17 മദ്യക്കുപ്പികൾ കണ്ടെത്തി. സമീപത്തെ കടകളിലെയടക്കം സിസിടിവി ക്യാമറകൾ കടലാസ് ഉപയോഗിച്ച് മറച്ചിരുന്നു. മോഷ്ടാക്കളെ പിടികൂടുന്നതിന് ആയി അന്വേഷണം ഊർജ്ജിതമാക്കിയതായി പോലീസ് അറിയിച്ചു.
Discussion about this post