പനാജി : ഗോവ ആസ്ഥാനമായി പ്രവർത്തിക്കുന്ന യുവ സംരംഭകനാണ് റിതേഷ് ഡി റിറ്റെലിൻ. വെറും ഒരു സാധാ സംരംഭകനല്ല, ഇദ്ദേഹം വിൽപ്പന നടത്തുന്നത് കേട്ടാൽ ആരും അന്തം വിട്ടുപോകുന്ന ചില കാര്യങ്ങളാണ്. മൻസൂരി എന്ന തന്റെ സ്ഥാപനം ആളുകൾക്ക് വിൽക്കുന്നത് രതിമൂർച്ഛ ആണെന്നാണ് റിതേഷ് വ്യക്തമാക്കുന്നത്. 12 കോടി രൂപ മൂലധനത്തിൽ ഇന്ത്യയിലെ സ്ത്രീകളെ ലക്ഷ്യമാക്കിയാണ് റിതേഷ് ഡി റിറ്റെലിൻ ഈ പുതിയ സംരംഭം ആരംഭിച്ചിരിക്കുന്നത്.
റിതേഷ് സ്ഥാപിച്ച മൻസൂരി എന്ന സ്റ്റാർട്ടപ്പ് സ്ത്രീകൾക്കുള്ള ലൈംഗിക കളിപ്പാട്ടങ്ങൾ നിർമ്മിക്കുകയും വിൽപ്പന നടത്തുകയും ചെയ്യുന്ന സ്ഥാപനമാണ്. പ്രതിവർഷം 40 ലക്ഷം രൂപ ചെലവിട്ടാണ് കമ്പനിയുടെ ഉൽപ്പന്നങ്ങൾ നിർമ്മിക്കുന്നത്. ഇന്ത്യയിൽ മുൻപ് ആരും ചിന്തിച്ചിട്ടില്ലാത്ത ഒരു സംരംഭം എന്ന നിലയിൽ സ്ത്രീകൾക്കിടയിൽ മികച്ച പ്രതിഫലനമാണ് തന്റെ സംരംഭത്തിന് ലഭിക്കുന്നത് എന്നാണ് റിതേഷ് വ്യക്തമാക്കുന്നത്.
സ്ത്രീകൾക്കുള്ള ലൈംഗിക കളിപ്പാട്ടങ്ങളുടെ സാങ്കേതികവിദ്യയുടെ കാര്യത്തിൽ ഇന്ത്യ ഇപ്പോഴും വളരെ പുറകിലാണെന്നാണ് റിതേഷിന്റെ അഭിപ്രായം. 2019 ലാണ് അദ്ദേഹം ഈ പുതിയ സംരംഭം ആരംഭിക്കുന്നത്. എന്നാൽ അക്കാലത്ത് വിൽപ്പനക്കോ മാർക്കറ്റിങ്ങിനോ ആളുകളെ ലഭിക്കുക പോലും ചെയ്യാത്ത അവസ്ഥയായിരുന്നു ഉണ്ടായിരുന്നത്. തന്റേത് വെറുമൊരു ലൈംഗിക കളിപ്പാട്ട നിർമ്മാണ കമ്പനിയല്ല മറിച്ച് ഒരു വെൽനസ് സ്റ്റാർട്ടപ്പ് ആണെന്നാണ് റിതേഷ് ഡി റിറ്റെലിന്റെ അഭിപ്രായം. വരുംവർഷങ്ങളിൽ തന്റെ ഈ സംരംഭം കൂടുതൽ ജനപ്രിയമാകുമെന്നും അദ്ദേഹം വിശ്വസിക്കുന്നു.
Discussion about this post