തിരുവനന്തപുരം: സംസ്ഥാനത്ത് വീണ്ടും അതിശക്തമായ മഴയ്ക്ക് സാധ്യത. വിവിധ ജില്ലകളിൽ വരുംദിവസങ്ങളിൽ ഓറഞ്ച്, യെല്ലോ അലേർട്ട് പ്രഖ്യാപിച്ചു. ഇന്ന് നാല് ജില്ലകളിലും യെല്ലോ അലർട്ടാണ്. കോഴിക്കോട് കണ്ണൂർ കാസർകോട് എന്നീ ജില്ലകളിലാണ് യോല്ലോ അലർട്ട് മുന്നറിയിപ്പുള്ളത്.
നാളെ എട്ട് ജില്ലകളിലുമാണ് യെല്ലോ അലേർട്ട്. പത്തനംതിട്ട , കോട്ടയം , ഇടുക്കി, മലപ്പുറം, കോഴിക്കോട്, വയനാട് ,കണ്ണൂർ, കാസർകോട് എന്നിവിടങ്ങളിലാണ് നാളെ യെല്ലോ അലർട്ട് പ്രഖ്യാപിച്ചിരിക്കുന്നത്.
മധ്യ കിഴക്കൻ അറബിക്കടലിൽ പുതിയ ചക്രവാതച്ചുഴി രൂപപ്പെട്ടിട്ടുണ്ട്. നാളെയോടെ ഇത് ന്യൂനമർദ്ദമായി ശക്തിപ്രാപിച്ച് വടക്കൻ ആന്ധ്രാ പ്രദേശ്, തെക്കൻ ഒഡിഷ തീരത്തേക്ക് നീങ്ങാൻ സാധ്യതയുണ്ട്. ബംഗാൾ ന്യൂന മർദ്ദത്തിൻറെ ശക്തിയ്ക്കും സഞ്ചാര പാതയ്ക്കും അനുസരിച്ച് കേരളത്തിൽ വരും ദിവസങ്ങളിൽ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ട്.
Discussion about this post