തലശ്ശേരി; കണ്ണൂരിൽ മദ്രസ വിദ്യാർത്ഥിയ്ക്ക് ഉസ്താദിന്റെ ക്രൂരമർദ്ദനം. വിഴിഞ്ഞം സ്വദേശിയായ അജ്മൽഖാനാണ് ക്രൂരമർദ്ദനത്തിനിരയായത്. കണ്ണൂർ കൂത്തുപറമ്പിലെ മദ്രയിലെ വിദ്യാർത്ഥിയാണ് കുട്ടി. ഉമയൂർ അഷറഫി എന്ന മദ്രസ അദ്ധ്യാപകനാണ് ശാരീരികമായി ആക്രമിച്ചത്.
മതപഠനത്തിന് വേണ്ടത്ര ശ്രദ്ധ കൊടുക്കുന്നില്ലെന്ന് ആരോപിച്ച് ഈ അദ്ധ്യാപകൻ വിദ്യാർത്ഥികളെ ഉപദ്രവിക്കുന്നത് പതിവായിരുന്നു. വിവരം പുറത്തുപറയാൻ ശ്രമിച്ച കുട്ടിയെ ഉസ്താദ് ക്രൂരമായി മർദ്ദിക്കുകയും പൊള്ളിക്കുകയുമായിരുന്നു.
സംഭവത്തിന് ശേഷം മാനസികമായി തകർന്ന അജ്മൽ പിന്നീട് വീട്ടുകാരോട് പോലും സംസാരിക്കാതെ ആയി. ഇതേ തുടർന്ന് വീട്ടുകാർ കുട്ടിയെ വീട്ടിലേക്ക് കൂട്ടിക്കൊണ്ടുവന്നു. തുടർപരിശോധനയിലാണ് ശരീരത്തിൽ പൊള്ളിയ പാടുകളടക്കമുള്ള സാരമായ മുറിവുകൾ കാണുന്നത്. ചൂരൽ കൊണ്ട് മൃഗീയമായി അടിക്കുകയും ഇസ്തിരിപ്പെട്ടി ചൂടാക്കി ശരീരത്തിന്റെ പുറം ഭാഗത്ത് പൊള്ളിക്കുകയായിരുന്നു അദ്ധ്യാപകൻ. അജ്മൽ ഖാൻ വിഴിഞ്ഞം സാമൂഹിക ആരോഗ്യ കേന്ദ്രത്തിൽ ചികിത്സ തേടി. വീട്ടുകാരുടെ പരാതിയിൽ വിഴിഞ്ഞം പോലീസ് കേസെടുത്തു.
