ഗണേശ ചതുർത്ഥി; ചീഫ് ജസ്റ്റിസിന്റെ വീട്ടിലെത്തി ആഘോഷങ്ങളിൽ പങ്കെടുത്ത് പ്രധാനമന്ത്രി; വീഡിയോ വൈറൽ

ന്യൂഡൽഹി: ചീഫ് ജസ്റ്റിസ് ഡിവൈ ചന്ദ്രചൂഡിന്റെ വീട്ടിലെത്തി ഗണേശ ചതുർത്ഥി ആഘോഷങ്ങളിൽ പങ്കുകൊണ്ട് പ്രധാനമന്ത്രി നരേന്ദ്ര മോദി. ഇന്നലെ വൈകീട്ടോടെയാണ് അദ്ദേഹം ഡിവൈ ചന്ദ്രചൂഡിന്റെ വീട്ടിൽ എത്തിയത്. ഗണേശ ചതുർത്ഥി ആഘോഷങ്ങളിൽ പ്രധാനമന്ത്രി പങ്കെടുക്കുന്നതിന്റെ വീഡിയോ ദൃശ്യങ്ങൾ പുറത്തുവന്നിട്ടുണ്ട്.

വസതിയിൽ എത്തിയ പ്രധാനമന്ത്രിയെ ചന്ദ്രചൂഡും അദ്ദേഹത്തിന്റെ ഭാര്യയും ചേർന്നാണ് സ്വീകരിച്ചത്. ഇതിന് ശേഷം പൂജാമുറിയിൽ എത്തി ഗണേശ വിഗ്രഹത്തിൽ പ്രാർത്ഥന നടത്തി. പ്രധാനമന്ത്രി ഗണേശ വിഗ്രഹത്തിൽ ആരതി ഉഴിയുന്നതിന്റെ വീഡിയോ ദൃശ്യങ്ങളാണ് സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നത്. പരമ്പരാഗത മറാഠ തൊപ്പി ധരിച്ചായിരുന്നു പ്രധാനമന്ത്രി ആഘോഷപരിപാടിയിൽ പങ്കെടുക്കാൻ എത്തിയത്.

സോഷ്യൽ മീഡിയ പ്ലാറ്റ്‌ഫോമായ എക്‌സിലൂടെ പരിപാടിയുടെ ദൃശ്യങ്ങൾ പ്രധാനമന്ത്രിയും പങ്കുവച്ചിട്ടുണ്ട്. ചീഫ് ജസ്റ്റിസ് ഡി.വൈ ചന്ദ്രചൂഡിന്റെ വസതിയിൽ എത്തി ഗണേശ പൂജയിൽ പങ്കെടുത്തതായി പ്രധാനമന്ത്രി വീഡിയോയുടെ ഒപ്പം കുറച്ചു. ഗണേശ ഭഗവാൻ എല്ലാവരെയും അനുഗ്രഹിക്കട്ടെ. എല്ലാവരുടെയും ജീവിതത്തിലേക്ക് ഗണേശ ഭഗവാൻ ഐശ്വര്യവും സമൃദ്ധിയും കൊണ്ടുവരട്ടെ എന്നും പ്രധാനമന്ത്രി കൂട്ടിച്ചേർത്തു.

സെപ്തംബർ 7 നായിരുന്ന രാജ്യത്ത് ഗണേശ ചതുർത്ഥി ആഘോഷങ്ങൾ ആരംഭിച്ചത്. ഈ മാസം 17 ന് ആഘോഷ പരിപാടികൾക്ക് സമാപനം ആകുക.

#WATCH | PM Narendra Modi attended the Ganesh Puja celebrations at the residence of Chief Justice of India DY Chandrachud, in Delhi. pic.twitter.com/VqHsuobqh6

— ANI (@ANI) September 11, 2024