കണ്ണൂര്‍: കതിരൂര്‍ മനോജ് വധക്കേസില്‍ റിമാന്‍ഡില്‍ കഴിയുന്ന സി.പി.എം കണ്ണൂര്‍ ജില്ലാ സെക്രട്ടറി പി.ജയരാജനെ കസ്റ്റഡില്‍ വിട്ടു കിട്ടണമെന്നാവശ്യപ്പെട്ട് സി.ബി.ഐ വീണ്ടും അപേക്ഷ നല്‍കി. ആരോഗ്യ സ്ഥിതി പരിശോധിച്ച് തീരുമാനമെടുക്കണമെന്നാവശ്യം. തലശ്ശേരി സെഷന്‍ കോടതിയിലാണ് അപേക്ഷ നല്‍കിയത്. ഹര്‍ജി നാളെ പരിഗണിയ്ക്കും.
അതേ സമയം ജയരാജന് തുടര്‍ ചികിത്സ ആവശ്യമാണെന്ന മെഡിക്കല്‍ റിപ്പോര്‍ട്ട് കോഴിക്കോട് മെഡിക്കല്‍ കോളേജില്‍ സമര്‍പ്പിച്ചു. 45 മണിക്കൂര്‍ നിരീക്ഷണം വേണം. നെഞ്ചുവേദനയുണ്ടെന്ന് ജയരാജന് പറഞ്ഞത് തള്ളിക്കളയാനാവില്ലെന്നും റിപ്പോര്‍ട്ടില്‍ പറയുന്നു.
ഇന്ന് രാവിലെയാണ് ജയരാജനെ കസ്റ്റഡിയില്‍ വിട്ടു കിട്ടണമെന്ന അപേക്ഷ സി.ബി.ഐ പിന്‍വലിച്ചത്. ജയരാജന് ആരോഗ്യ പ്രശ്‌നങ്ങളില്ലെന്ന് കഴിഞ്ഞ ദിവസം സി.ബി.ഐ കോടതിയില്‍ വാദിച്ചിരുന്നു. എന്നാല്‍, മെഡിക്കല്‍ റിപ്പോര്‍ട്ട് ഹാജരാക്കാന്‍ സാധിച്ചില്ല. ഇതേതുടര്‍ന്നാണ് കസ്റ്റഡി അപേക്ഷ പിന്‍വലിച്ചത്.
Discussion about this post