ജക്കാര്‍ത്ത: അര്‍ധരാത്രിയില്‍ പൊട്ടിത്തെറിച്ച് അഗ്നിപര്വ്വതം. ഗ്രാമവാസികള്‍ ഉറങ്ങിക്കിടക്കുന്ന വീടുകളിലേക്ക് തെറിച്ചെത്തിയത് അഗ്‌നി ഗോളങ്ങളും ചാരവുമാണ് ഇന്തോനേഷ്യയിലെ കിഴക്കന്‍ മേഖലയിലെ ലാകി ലാകി അഗ്‌നിപര്‍വ്വതമാണ് തിങ്കളാഴ്ച രാത്രിയില്‍ പൊട്ടിത്തെറിച്ചത്. രണ്ട് കിലോമീറ്ററിലേറെ ഉയരത്തിലാണ് അഗ്നിപര്വ്വതം പൊട്ടിത്തെറിച്ചുള്ള ചാരമടക്കമുള്ളവ ഉയര്‍ന്ന് പൊന്തിയിരിക്കുന്നത്. ആറ് കിലോമീറ്ററോളം ദൂരത്തിലേക്ക് ലാവയും ഒഴുകിയെത്തി.
ഗ്രാമങ്ങളില്‍ നിന്ന് ഇതിനോടകം പത്ത് മൃതദേഹങ്ങളാണ് രക്ഷാ പ്രവര്‍ത്തകര്‍ കണ്ടെത്തിയിട്ടുള്ളത്. അഗ്നിപര്വ്വതം പുക ചീറ്റി തുടങ്ങിയ സമയത്ത് കുറച്ച് ഗ്രാമവാസികള്‍ ഇവിടെ നിന്ന് മാറി താമസിച്ചതാണ് മരണ സംഖ്യ കുത്തനെ വര്‍ധിക്കാതിരിക്കാന്‍ സഹായിച്ചതെന്നാണ് അധികൃതര്‍ വ്യക്തമാക്കി.
ചാരം മൂടി തകര്‍ന്ന് വീടുകള്‍ക്കിടയില്‍ കൂടുതല്‍ ആളുകളുണ്ടോയെന്നും മൃതദേഹങ്ങള്‍ ഉണ്ടോയെന്നും കണ്ടെത്താനുള്ള ശ്രമങ്ങള്‍ സജീവമായി പുരോഗമിക്കുകയാണ്. അഗ്‌നിപര്‍വ്വതത്തിന്റെ നാല് കിലോമീറ്റര്‍ ചുറ്റളവില്‍ നിന്നാണ് നിലവില്‍ ഒരു കുട്ടിയടക്കം പത്ത് പേരുടെ മൃതദേഹം കണ്ടെത്തിയിട്ടുള്ളത്. വുലാഗിംതാഗ് ജില്ലയിലെ ആറ് ഗ്രാമങ്ങളെയും ബുറ ജില്ലയിലെ നാല് ഗ്രാമങ്ങളെയുമാണ് അഗ്‌നി പര്‍വ്വത സ്‌ഫോടനം സാരമായി ബാധിച്ചതെന്നാണ് അധികൃതര്‍ വിശദമാക്കുന്നത്.
തിങ്കളാഴ്ച അര്‍ധരാത്രിയോടെയാണ് വലിയ രീതിയിലുള്ള ലാവാ പ്രവാഹം ആരംഭിച്ചതെന്നാണ് വോള്‍ക്കാനോ മോണിറ്ററിംഗ് ഏജന്‍സി വിശദമാക്കുന്നത്. പെട്ടന്നായിരുന്നു വലിയ രീതിയിലുള്ള പൊട്ടിത്തെറിയുണ്ടായതെന്നാണ് വിലയിരുത്തല്‍.
Discussion about this post