കാമുകനെ കാണാൻ കാമുകന്റെ മുറിയിൽ പോയി എന്നാരോപിച്ച് മിസ് യൂണിവേഴ്സ് മത്സരത്തിൽ നിന്നും മത്സരാർത്ഥിയെ പുറത്താക്കിയതായി റിപ്പോര്ട്ട്. പനാമയിൽ നിന്നുള്ള മത്സരാര്ഥിയായ 19 -കാരി ഇറ്റലി മോറയാണ് പുറത്തായത്. മെക്സിക്കോ സിറ്റിയില് നടക്കുന്ന മിസ് യൂണിവേഴ്സ് മത്സരത്തില് നിന്നാണ് ഇറ്റലി മോറയെ പുറത്താക്കിയത്.
ഇവരെ പുറത്താക്കിയതിന്റെ കാരണം ഔദ്യോഗികമായി ഇനിയും പുറത്തുവിട്ടിട്ടില്ല. ഗ്രാന്ഡ് ഫിനാലെയ്ക്ക് ഇനി ദിവസങ്ങള് മാത്രമാണ് ബാക്കിയുള്ളപ്പോഴാണ് സംഭവം.
ഇറ്റലി മോറ അനധികൃതമായി അവരുടെ കാമുകനെ സന്ദര്ശിച്ചതാണ് മത്സരത്തിൽ നിന്നും പുറത്താക്കാനുള്ള കാരണം എന്നാണ് ന്യൂയോർക്ക് പോസ്റ്റ് റിപ്പോർട്ട് ചെയ്യുന്നതത്. ബിസിനസുകാരനായ ജുവാൻ അബാദിയയാണ് ഇറ്റലി മോറയുടെ കാമുകൻ.
അതേസമയം, ഇതിന് നിഷേധിച്ചു ഇറ്റലി മോറ രംഗത്തെത്തിയിരുന്നു. താന് കാമുകനെ കാണാൻ പോയില്ലെന്നും മത്സരത്തിൽ നിന്ന് പുറത്താക്കാൻ കാരണം അതല്ലെന്നുമാണ് ഇറ്റലി മോറ പറയുന്നത്.
മിസ് യൂണിവേഴ്സ് പനാമയുടെ ഡയറക്ടറായ സീസര് അനെല് റോഡ്രിഗസുമസും താനുമായി അസ്വാരസ്യങ്ങളുണ്ടായി. വാക്കുതർക്കം നടക്കുമ്പോൾ കാമുകനും തനിക്കൊപ്പം ഉണ്ടായിരുന്നു. അതാണ് തന്നെ മത്സരത്തിൽ നിന്നും പുറത്താക്കാൻ കാരണമായിത്തീർന്നത് എന്നാണ് ഇറ്റലി മോറ പറയുന്നത്.
Discussion about this post