കുതിച്ചുയർന്ന് കേരളത്തിലെ ബാലപീഡനം; ഏറ്റവും കൂടുതൽ ഈ ജില്ലയിൽ; വീടുകൾ പോലും സുരക്ഷിതമല്ല

കൊച്ചി: കേരളത്തിൽ കുട്ടികൾക്കെതിരായ ലൈംഗികാതിക്രമങ്ങൾ കുതിച്ചുയരുന്നു. സ്കൂളുകളിലും വീടുകളിലും പോലും കൊച്ചു കുട്ടികൾ സുരക്ഷിതരല്ലെന്ന റിപ്പോർട്ട് പുറത്ത് വിട്ട് കേരള സർക്കാർ .
കേരള സംസ്ഥാന ബാലാവകാശ സംരക്ഷണ കമ്മീഷൻ അടുത്തിടെ പുറത്തിറക്കിയ റിപ്പോർട്ട് അനുസരിച്ച്, ഇത്തരം കേസുകളിൽ 21 ശതമാനം കുട്ടികളുടെ വീടുകളിലും നാല് ശതമാനം സ്കൂളുകളിലും ആണ് റിപ്പോർട്ട് ചെയ്യപ്പെട്ടിട്ടുള്ളത് എന്നാണ് ഞെട്ടിക്കുന്ന വാർത്ത.

“ലൈംഗിക കുറ്റകൃത്യങ്ങളിൽ നിന്ന് കുട്ടികളെ സംരക്ഷിക്കൽ (പോക്‌സോ) നിയമത്തിന് കീഴിലുള്ള 4,663 കേസുകളിൽ 988 (21 ശതമാനം) സംഭവങ്ങൾ കുട്ടികളുടെ വീടുകളിലും 725 (15 ശതമാനം) പ്രതികളുടെ വീടുകളിലും 935 (20 ശതമാനം) പൊതുസ്ഥലങ്ങളിലും വച്ചാണ് നടക്കുന്നത്. റിപ്പോർട്ട് വ്യക്തമാക്കുന്നു
173 കേസുകളിൽ സ്‌കൂളുകളിലും 139 എണ്ണം വാഹനങ്ങളിലും 146 എണ്ണം മറ്റ് സ്ഥലങ്ങളിലും 166 സംഭവങ്ങൾ ഒറ്റപ്പെട്ട പ്രദേശങ്ങളിലുമായി നടന്നതായും റിപ്പോർട്ടിൽ ചൂണ്ടിക്കാട്ടുന്നു.

2023ൽ കേരളത്തിൽ ആകെ 4663 പോക്‌സോ കേസുകളാണ് റിപ്പോർട്ട് ചെയ്തത്.

പോലീസ് കണക്കുകൾ പ്രകാരം തിരുവനന്തപുരത്താണ് ഏറ്റവും കൂടുതൽ കേസുകൾ രേഖപ്പെടുത്തിയത്, പത്തനംതിട്ട ജില്ലയിലാണ് ഏറ്റവും കുറവ്.

ഈ വർഷം റിപ്പോർട്ട് ചെയ്യപ്പെട്ട 4,663 പോക്‌സോ കേസുകളിൽ, 4,701 കുട്ടികൾ അതിജീവിച്ചവരാണ്, ഇത് പല കേസുകളിലും ഒന്നിൽ കൂടുതൽ ഇരകൾ ഉൾപ്പെട്ടിട്ടുണ്ടെന്ന് സൂചിപ്പിക്കുന്നു.

“പോക്‌സോ നിയമത്തെക്കുറിച്ചും ശിശുസൗഹൃദ നടപടിക്രമങ്ങളെക്കുറിച്ചും കുട്ടികളെ ബോധവത്കരിക്കേണ്ടതിൻ്റെ ആവശ്യകതയും അവർക്ക് സ്വയം പ്രതിരോധ പരിശീലനം നൽകേണ്ടതിൻ്റെ ആവശ്യകതയും ഇത് എടുത്തുകാണിക്കുന്നു,” റിപ്പോർട്ട് പറയുന്നു.