തങ്ങൾക്ക് യോജിച്ച വിവാഹബന്ധം തേടുന്നവർ പലപ്പോഴും മാട്രിമോണിയൽ പരസ്യങ്ങളെ ആശ്രയിക്കാറുണ്ട്. ഇതിൽ ജീവിതപങ്കാളിയ്ക്ക് വേണ്ട ഗുണഗണങ്ങളെ കുറിച്ച് വിവരിക്കുന്ന മാട്രിമോണിയൽ പരസ്യങ്ങൾ ചർച്ചയാവാറുണ്ട്. അത്തരത്തിലൊരു പരസ്യം ഇതാ ഇപ്പോൾ സോഷ്യൽ മീഡിയയിൽ വൈറലാവുകയാണ്. 30 വയസ്സുള്ള ഫെമിനിസ്റ്റായിട്ടുള്ള യുവതി വരനെ തേടുന്നു എന്നാണ് കൊടുത്തിരിക്കുന്നത്.
യുവതിക്ക് ജോലിയുണ്ട്, വിദ്യാഭ്യാസവുമുണ്ട്. വിദ്യസമ്പന്നയായ യുവതി മുതലാളിത്തത്തിനെതിരെ സാമൂഹിക മേഖലയിൽ ജോലി ചെയ്യുകയാണെന്നാണ് പരസ്യത്തിൽ പറയുന്നത്. 25-28 വയസ് വരെ പ്രായമുള്ള സുമുഖനും സുന്ദരനുമായിരിക്കണം യുവാവ്. ബിസിനസുകാരായ ദമ്പതികളുടെ ഒറ്റ മകനായിരിക്കണം. ഒരു ബംഗ്ലാവ്, കുറഞ്ഞത് 20 ഏക്കറിൽ ഒരു ഫാംഹൗസ് എങ്കിലും വേണം. ഭക്ഷണം പാകംചെയ്യാൻ അറിഞ്ഞിരിക്കണം. കീഴ്വായുവിന്റെ പ്രശ്നമുള്ളവരും ഏമ്പക്കമിടുന്നവരും വേണ്ട എന്നും പരസ്യത്തിൽ പറയുന്നുണ്ട്. curbyourpatriarchy@gmail.com എന്നൊരു ഈമെയിൽ വിലാസവും പരസ്യത്തിൽ ചേർത്തിട്ടുണ്ട്.
പരസ്യത്തിൻറെ ചിത്രം ട്വിറ്ററിൽ വൈറലായിരിക്കുകയാണ്. നിരവധി പേരാണ് പോസ്റ്റിന് കമന്റ് ചെയ്തിരിക്കുന്നത്. ചിലർ തങ്ങളുടെ സുഹൃത്തുക്കളെ ടാഗ് ചെയ്താണ് പോസ്റ്റ് വൈറലാക്കിയത്.
Discussion about this post