ന്യൂയോർക്ക് : ഗാരേജിന് തീയിട്ട് മുൻകാമുകനെയും സുഹൃത്തിനെയും കൊലപ്പെടുത്തി. ബോളിവുഡ് നടി നർഗീസ് ഫക്രിയുടെ സഹോദരി ആലിയ ഫക്രി ആണ് ഈ ക്രൂര കൃത്യം ചെയ്തത്. ന്യൂയോർക്കിലെ ക്യൂൻസിൽ വച്ചായിരുന്നു സംഭവം. സംഭവത്തിൽ ആലിയയെ പോലീസ് അറസ്റ്റ് ചെയ്തു.
ആലിയയുടെ മുൻ കാമുകനായ എഡ്വേർഡ് ജേക്കബ് (35), സുഹൃത്തായ അനസ്താസിയ എറ്റിനെ (33) എന്നിവരാണ് മരിച്ചത്. നവംബർ രണ്ടാം തിയതി ആലിയ എഡ്വേർഡ് ജേക്കബ് താമസിക്കുന്ന കെട്ടിടത്തിലെ ഗാരേജിന് മുന്നിലെത്തുകയും ഗാരേജിന് തീവെക്കുകയുമായിരുന്നു.
നിങ്ങളെല്ലാം ഇന്ന് മരിക്കാൻ പോകുകയാണെന്ന് അലറിവിളിച്ചു കൊണ്ടായിരുന്നു ആലിയ കുറ്റകൃത്യം നടത്തിയത്. നേരത്തെ വിവാഹിതനും മൂന്ന് കുട്ടികളുടെ പിതാവ് കൂടിയുമായ എഡ്വേർഡുമായി പ്രണയത്തിലായിരുന്നു ആലിയ. ഒരു വർഷം മുൻപ് കാമുകൻ ഈ ബന്ധത്തിൽ നിന്നും പിന്മാറിയതിനുശേഷം ആലിയ നിരന്തരമായി ഇയാളെ ശല്യം ചെയ്തിരുന്നതായും റിപ്പോർട്ടുകൾ ഉണ്ട്.
Discussion about this post