രാജ്യത്തെ ജയിലുകളില് കഴിയുന്ന തടവുകാരില് 70 പിന്നിട്ടവരെയും മാറാരോഗികളെയും ജയില്മോചിതരാക്കാന് നടപടി വരുന്നു. സുപ്രീംകോടതിയുടെ പുതിയ നിര്ദേശപ്രകാരമാണിത്. നാഷണല് ക്രൈം റെക്കോഡ്സ് ബ്യൂറോയുടെ 2022-ലെ കണക്കുപ്രകാരം രാജ്യത്ത് കുറ്റക്കാരായി കണ്ടെത്തിയ തടവുകാരിലെ 27,690 പേര് 50 വയസ്സ് പിന്നിട്ടവരാണ്. 20.8 ശതമാനം വരുമിത്. വിചാരണത്തടവുകാരില് പ്രായമേറിയവരുടെ എണ്ണം 44,955. അതായത് 10.4 ശതമാനം പേര്.
കര്ണാടകയിലെ ജയിലില് കഴിയുന്ന 93-കാരിയ്ക്കുണ്ടായ ദുരന്തം ശ്രദ്ധയില്പ്പെട്ടതിന് പിന്നാലെയാണ് പ്രായമേറിയവരെ മോചിപ്പിക്കണമെന്ന് സുപ്രീംകോടതി നിര്ദേശിച്ചത്. സംസ്ഥാനത്ത് 70 വയസ്സ് പിന്നിട്ട എത്ര തടവുകാര് ജയിലിലുണ്ടെന്ന് ഇതുവരെ കണക്കെടുത്തിട്ടില്ല. ഇവരില് പലരും ജീവപര്യന്തം തടവുള്പ്പെടെ അനുഭവിക്കുന്നവരാണ്. കൊലപാതകക്കേസിലെ പ്രതികളടക്കമുണ്ടിതില്.
സര്വേയുടെ അടിസ്ഥാനത്തില് വിവരം ക്രോഡീകരിച്ച് ജനുവരി ആദ്യവാരം അന്തിമ ലിസ്റ്റ് തയ്യാറാക്കും. അതിനുശേഷം ലീഗല് സര്വീസ് അതോറിറ്റിവഴി ജയില്മോചനത്തിനുള്ള നിയമനടപടി സ്വീകരിക്കും. മാര്ച്ച്് 10 വരെയാണ് ഇതുസംബന്ധിച്ച കാമ്പയിന് നടത്തുന്നത്.
