അസ്താന: കസാഖിസ്ഥാനില് തകര്ന്ന അസര്ബൈജാന് എയര്ലൈനിന് ഉള്ളില് നിന്നുള്ള വേദനിപ്പിക്കുന്ന ദൃശ്യങ്ങള് പുറത്ത്. യാത്രക്കാരില് ഒരാള് പകര്ത്തിയ ഈ ദൃശ്യങ്ങളില് വിമാനം തകരുന്നതിന് തൊട്ടുമുമ്പും അതിന് ശേഷവുമുള്ള നിമിഷങ്ങളാണ് ഉള്ളത്. വിമാനം നിലംപതിക്കുന്നതിന് മുമ്പ് യാത്രക്കാര് ഭയന്ന് നിലവിളിക്കുന്നതായി് ദൃശ്യങ്ങളില് കാണാം. അക്സൗ വിമാനത്താവളത്തിന് സമീപമുണ്ടായ അപകടത്തില് 38 പേര് മരിച്ചതായാണ് പ്രാദേശിക മാധ്യങ്ങള് റിപ്പോര്ട്ട് ചെയ്യുന്നത്.
വിമാനം കുത്തനെ നിലംപതിക്കുന്നതും പ്രാര്ത്ഥിക്കുന്നതും പുറത്തുവന്ന വീഡിയോയിലുണ്ട്. ഓക്സിജന് മാസ്കുകള് പുറത്തേക്ക് വന്നിരിക്കുന്നതും വീഡിയോയില് കാണാം. വിമാനം നിലം പതിച്ചതിന് ശേഷമുള്ള ദൃശ്യങ്ങളും പുറത്തുവന്നിട്ടുണ്ട്.
ബകുവില് നിന്ന് റഷ്യയിലെ ഗ്രോസ്നിയിലേക്ക് പുറപ്പെട്ട വിമാനമാണ് കഴിഞ്ഞ ദിവസം തകര്ന്നുനിലംപതിച്ചത്. കനത്ത മൂടല്മഞ്ഞിനെ തുടര്ന്നാണ് വിമാനം ഗ്രോസ്നിയില് നിന്ന് വഴിതിരിച്ചുവിട്ടിരുന്നുപല തവണ ലാന്ഡ് ചെയ്യാന് ശ്രമിച്ചുവെങ്കിലും പരാജയപ്പെടുകയായിരുന്നു. ഇതിന് പിന്നാലെയാണ് വിമാനം നിലത്ത് ഇടിച്ചിറക്കിയത്.
അഞ്ച് ജീവനക്കാരുള്പ്പടെ 72 പേരാണ് ഈ തകര്ന്ന വിമാനത്തിലുണ്ടായിരുന്നത്. പൈലറ്റുള്പ്പടെ 38 പേര് അപകടത്തില് മരിച്ചതായാണ് റിപ്പോര്ട്ടുകള്. വിമാനത്തിന്റെ പിന്ഭാഗത്ത് ഇരുന്ന യാത്രക്കാരാണ് രക്ഷപ്പെട്ടത്. പക്ഷികള് ഇടിച്ചതാണ് അപകടകാരണമെന്ന് വിവരമുണ്ടെങ്കിലും ഇക്കാര്യം സ്ഥിരീകരിച്ചിട്ടില്ല.
Discussion about this post