തിരുവനന്തപുരം: ഹണി റോസിനെതിരെ െൈലംഗിക അധിക്ഷേപം നടത്തിയെന്ന കേസിൽ വ്യവസായി ബോബി ചെമ്മണ്ണൂരിനെ പോലീസ് അറസ്റ്റ് ചെയ്തിരിക്കുകയാണ്. ബോബി ചെമ്മണ്ണൂരിനെ ഇന്ന് കോടതിയിൽ ഹാജരാക്കും. ഇന്നലെയാണ് വയനാട്ടിലെ ബോബിയുടെ റിസോർട്ടിൽ നിന്നാണ് കസ്റ്റഡിയിലെടുത്തത്. നിരവധി പേരാണ് ഹണി റോസിന് പിന്തുണയുമായി രംഗത്ത് വന്നിരിക്കുന്നത്. ഇപ്പോഴിതാ ഹണിക്ക് പിന്തുണയുമായി എത്തിയിരിക്കുകയാണ് നടി മെറീന മൈക്കിൾ.
ബോബി ചെമ്മണ്ണൂരിന്റെ ആറോ ഏഴോ സ്ഥാപനങ്ങളിൽ താൻ ഉദ്ഘാടനത്തിന് പോയിട്ടുണ്ടെന്ന് മെറീന പറഞ്ഞു. ബോബി ചെമ്മണ്ണൂരിന്റെ സ്ഥാപനത്തിൽ ഉദ്ഘാടനത്തിന് പോവരുതെന്ന് തന്നോട് പലരും പറഞ്ഞിട്ടുണ്ട്. ബോബി ചെമ്മണ്ണൂർ പറയുന്ന പല കമന്റുകളും കേട്ടിട്ടുണ്ട്. അതുകൊണ്ട് തന്നെ അദ്ദേഹം അവിടെ ഇല്ലെന്ന് ഉറപ്പ് വരുത്തിയതിന് ശേഷം മാത്രമേ അവിടേയ്ക്ക് താൻ പോയിട്ടുള്ളൂ. അവിടെയുള്ള ജീവനക്കാരല്ലൊം തന്നോട് വളരെ മാന്യമായി തന്നെയാണ് പെരുമാറിയിട്ടുള്ളൂ എന്നും മെറീന വെളിപ്പെടുത്തി.
മബാബി ചെമ്മണ്ണൂർ ഹണി റോസിനെ ടാർഗറ്റ് ചെയ്യുകയാണെന്ന് പലപ്പോഴും തോന്നിയിട്ടുണ്ടെന്നും മെറീന തുറന്നടിച്ചു. ഒരു ഘട്ടം കഴിയുമ്പോൾ ആരായാലും പ്രതികരിക്കും. ബോബി ചെമ്മണ്ണൂരിന്റെ പേര് എടുത്ത് പറഞ്ഞുകൊണ്ട് തന്നെ ഹണി പരാതിയുമായി മുന്നോട്ട് വന്നതിൽ സന്തോഷമുണ്ട്. എന്നാൽ, ഇത്തരം കേസുകളിൽ ശിക്ഷ കിട്ടുന്നത് കാണാറില്ല. പലപ്പോഴും കോംപ്രമൈസിലേക്ക് പോവുന്നതാണ് കാണാറ്. ഈ സംഭവത്തിൽ അങ്ങനെ ഉണ്ടാവരുതെന്നാണ് ആഗ്രഹമെന്നും മെറീന കൂട്ടിച്ചേർത്തു.
