തൃശൂര്‍: പശ്ചിമ ബംഗാളില്‍ നിന്ന് കേരളത്തിലേക്ക് പെയിന്റ് ഡബ്ബയില്‍ കഞ്ചാവ് കടത്തിയ യുവാവ് പിടിയില്‍. പശ്ചിമ ബംഗാള്‍ മൂര്‍ഷിദാബാദ് സ്വദേശി കമല്‍കുമാര്‍ മണ്ഡല്‍ ആണ് അറസ്റ്റിലായത്. സംശയം തോന്നിയ കമല്‍ കുമാറിന്റെ കൈവശമുണ്ടായിരുന്ന രണ്ട് ഡബ്ബകള്‍ പരിശോധിക്കുകയായിരുന്നു.
പരിശോധനയില്‍ ഇതില്‍ കഞ്ചാവാണെന്ന് കണ്ടെത്തുകയായിരുന്നു. ഷാലിമാര്‍ തിരുവനന്തപുരം ട്രെയിനിലാണ് കമല്‍കുമാര്‍ കേരളത്തിലെത്തിയത്. ഇയാള്‍ രണ്ട് പെയിന്റ് ഡബ്ബകളിലായി 20 കിലോ കഞ്ചാവ് കടത്തുകയായിരുന്നു. സംശയത്തിന്റെ അടിസ്ഥാനത്തില്‍ എക്‌സൈസ് ഇന്റലിജന്‍സും ആര്‍പിഎഫ് ക്രൈം ഇന്റലിജന്‍സ് തൃശ്ശൂര്‍ റെയില്‍വേ പൊലീസും സംയുക്തമായി നടത്തിയ പരിശോധനയിലാണ് പ്രതിയെ പിടികൂടിയത്.
കൈവശമുണ്ടായിരുന്ന ഡബ്ബകള്‍ പരിശോധിച്ചപ്പോള്‍ കഞ്ചാവും കണ്ടെത്തുകയായിരുന്നു.
Discussion about this post