കോഴിക്കോട്: പ്രവാചകനെക്കുറിച്ചുള്ള മോശമായ പരാമര്ശം എടുത്തുചേര്ത്തതില് ഖേദപ്രകടനം നടത്തിയ സാഹചര്യത്തില് മാതൃഭൂമിക്കെതിരെയുള്ള നീക്കത്തില്നിന്ന് സമുദായം പിന്തിരിയണമെന്ന് ഖാസി നാലകത്ത് മുഹമ്മദ് കോയ ഫൗണ്ടേഷന് അഭിപ്രായപ്പെട്ടു.
തങ്ങളുടെ പിഴവ് കാണിച്ച് മാതൃഭൂമി സമുദായ നേതാക്കള്ക്ക് കത്തയയ്ക്കുകയും അവരത് ശരിവെക്കുകയുംചെയ്ത സാഹചര്യത്തില് മാതൃഭൂമിക്കെതിരെയുള്ള നീക്കത്തില് ഒട്ടും നീതീകരണമില്ല. ചില പ്രത്യേക സാഹചര്യത്തില് അസാധാരണമായിവന്ന ഇത്തരം വാര്ത്തയെമാത്രം കേന്ദ്രീകരിച്ച് വിഷയത്തെ സജീവമാക്കി നിലനിര്ത്തേണ്ടത് സമൂഹത്തില് ധ്രുവീകരണം ആഗ്രഹിക്കുന്നവരുടെ രഹസ്യ അജന്ഡയാണ്. ഇത് സമുദായം തിരിച്ചറിയണം.
രാജ്യത്ത് അസഹിഷ്ണുത സൃഷ്ടിക്കാനുള്ള ശ്രമങ്ങള്ക്കെതിരെ ശക്തമായി പ്രതികരിക്കുന്ന മാതൃഭൂമിപോലുള്ള ദേശീയ മാധ്യമങ്ങളുടെ പങ്ക് നിസ്തുലമാണെന്നും ഫൗണ്ടേഷന് വ്യക്തമാക്കി.
Discussion about this post