പാനിപൂരിക്കായി റോഡിൽ കുത്തിയിരിപ്പ് സമരവവുമായി യുവതി. ഗുജറാത്തിലെ വഡോദരയിലായിരുന്നു സംഭവം. നഗരത്തിലെ സുർസാഗർ ലേക്കിനടുത്ത് തെരുവോരത്ത് പാനിപൂരി കച്ചവടം നടത്തുന്നയാൾ മതിയായ പാനിപൂരി നൽകിയില്ലെന്ന് ആരോപിച്ചായിരുന്നു യുവതിയുടെ കുത്തിയിരിപ്പു സമരം. 20 രൂപയ്ക്ക് നാല് പാനിപൂരി മാത്രമേ നൽകിയിരുന്നുള്ളൂ. ആറ് പാനിപ്പൂരിയായിരുന്നു നൽകേണ്ടിയിരുന്നുവത്രേ.
ഇതോടെ യുവതി തിരക്കേറിയ റോഡിൽ കുത്തിയിരുന്നു. പിന്നാലെ ഗതാഗത തടസ്സമായി. ആളുകൾ സംഭവമറിയാതെ മൊബൈലുകളിൽ റെക്കോർഡുചെയ്യുന്നതും കാണുമായിരുന്നു. പോലീസെത്തിയതും യുവതി കരഞ്ഞുകൊണ്ട് കാരണം പറഞ്ഞപ്പോഴാണ് കൂടിനിന്നവരും ഞെട്ടിയത്.
യുവതിയുടെ ആവശ്യപ്രകാരം ബാക്കി കിട്ടാനുള്ള രണ്ട് പാനിപൂരിയും കച്ചവടക്കാരൻ കൊടുത്തു. ഇനി മുതൽ ഇരുപത് രൂപക്ക് ആറ് പാനിപൂരി വിതരണം ചെയ്യണമെന്ന് പോലീസ് നിർദേശം നൽകുകയും ചെയ്തു.
Discussion about this post