2026-27 സാമ്പത്തിക വർഷത്തേക്കുള്ള കേന്ദ്ര ബജറ്റ് ധനമന്ത്രി നിർമല സീതാരാമൻ ഇന്ന് (2026 ഫെബ്രുവരി 1) പാർലമെന്റിൽ അവതരിപ്പിക്കുകയാണ്. രാജ്യത്തിന്റെ വളർച്ചാ എൻജിനായി അടിസ്ഥാന സൗകര്യ വികസനത്തിന് വലിയ മുൻഗണന നൽകുന്ന ബജറ്റാണിത്.
റെക്കോർഡ് നിക്ഷേപം: അടിസ്ഥാന സൗകര്യ വികസനത്തിനായി ₹12.4 ലക്ഷം കോടി മൂലധന ചെലവ് (Capex) ആയി വകയിരുത്തി. ഇത് രാജ്യത്തിന്റെ ജിഡിപിയുടെ ഏകദേശം 3.2% ആണ്. സാമ്പത്തിക വളർച്ച നിലനിർത്തുന്നതിനായി തന്ത്രപ്രധാനമായ മേഖലകളിൽ പ്രത്യേക ശ്രദ്ധ നൽകുമെന്ന് ധനമന്ത്രി വ്യക്തമാക്കി.
റയർ എർത്ത് കോറിഡോർ (Rare Earth Corridors): തന്ത്രപ്രധാനമായ ധാതുക്കളുടെ( minerals ) ഖനനത്തിനും സംസ്കരണത്തിനുമായി കേരളം, തമിഴ്നാട്, ഒഡീഷ, ആന്ധ്രാപ്രദേശ് എന്നീ നാല് സംസ്ഥാനങ്ങളെ ബന്ധിപ്പിച്ച് പ്രത്യേക ‘റയർ എർത്ത് കോറിഡോറുകൾ’ സ്ഥാപിക്കും. കേരളത്തിലെ ധാതു മണൽ നിക്ഷേപം ഖനനം ചെയ്യാനും ഗവേഷണത്തിനുമായി പ്രത്യേക ഊന്നൽ നൽകും. ഇത് സംസ്ഥാനത്തെ ഒരു ഉൽപ്പാദന ഹബ്ബാക്കി മാറ്റാൻ സഹായിക്കും.
അർബൻ ചലഞ്ച് ഫണ്ട് (Urban Challenge Fund): അടുത്ത തലമുറയിലെ നഗരങ്ങളുടെ (Next-gen cities) ആസൂത്രണത്തിനും പുരോഗതിക്കുമായി ₹1 ലക്ഷം കോടി രൂപയുടെ ‘അർബൻ ചലഞ്ച് ഫണ്ട്’ രൂപീകരിച്ചു. നഗരങ്ങളെ സാമ്പത്തിക വളർച്ചാ കേന്ദ്രങ്ങളാക്കി മാറ്റുക എന്ന ലക്ഷ്യത്തോടെയാണ് ഈ നിക്ഷേപം.
മാരിടൈം വികസനം (Maritime Development): തുറമുഖങ്ങളുടെ നവീകരണത്തിനും ഷിപ്പിംഗ് ശേഷി വർദ്ധിപ്പിക്കുന്നതിനുമായി ₹25,000 കോടി രൂപയുടെ പ്രത്യേക ഫണ്ട് അനുവദിച്ചു. തദ്ദേശീയമായ കപ്പൽ നിർമ്മാണത്തിനും ഇതിലൂടെ വലിയ പ്രോത്സാഹനം ലഭിക്കും.
റെയിൽവേ: കവച്ച 4.0 (Kavach 4.0): ട്രെയിനുകളുടെ സുരക്ഷ വർദ്ധിപ്പിക്കുന്നതിനുള്ള തദ്ദേശീയ സാങ്കേതികവിദ്യയായ ‘കവച 4.0’ രാജ്യത്തെ തിരക്കേറിയ റെയിൽ പാതകളിൽ വ്യാപിപ്പിക്കും. ഇതിനകം 1,300 കിലോമീറ്ററിലധികം പാതകളിൽ ഈ സംവിധാനം പ്രവർത്തനസജ്ജമായിട്ടുണ്ട്. ഇത് കൂടുതൽ വ്യാപിപ്പിക്കുന്നതിലൂടെ ട്രെയിൻ അപകടങ്ങൾ ഒഴിവാക്കാൻ സാധിക്കും.
