കൊല്ലം : കേരളത്തിലെ റെയിൽ ഗതാഗത അടിസ്ഥാന സൗകര്യ വികസനത്തിന്റെ ഭാഗമായുള്ള പുതിയൊരു പദ്ധതി കൂടി പൂർത്തിയായി. കൊല്ലം റെയിൽവേ സ്റ്റേഷനിൽ അത്യാധുനിക സൗകര്യങ്ങളോടെ നിർമ്മിച്ച മൾട്ടി ലെവൽ കാർ പാർക്കിംഗ് (MLCP) സമുച്ചയം ഇന്ന് കേന്ദ്രമന്ത്രി സുരേഷ് ഗോപി ജനങ്ങൾക്കായി സമർപ്പിച്ചു. അമൃത് ഭാരത് സ്റ്റേഷൻ പദ്ധതിയുടെ ഭാഗമായാണ് ഈ MLCP സമുച്ചയം നിർമ്മിച്ചിട്ടുള്ളത്. നഗരത്തിലെ വർധിച്ചുവരുന്ന വാഹന തിരക്കും ഗതാഗതക്കുരുക്കും റെയിൽവേ സ്റ്റേഷനിലെ പാർക്കിംഗ് ക്ഷാമവും കണക്കിലെടുത്താണ് ഇന്ത്യൻ റെയിൽവേ ഈ പദ്ധതി നടപ്പാക്കിയത്.
11,450 ചതുരശ്ര മീറ്ററിൽ അഞ്ചു നിലകളിലായാണ് എല്ലാ ആധുനിക സൗകര്യങ്ങളോടുകൂടിയും ഈ പാർക്കിംഗ് കേന്ദ്രം ഒരുക്കിയിരിക്കുന്നത്.
മോദി സർക്കാരിന്റെ വികസന കാഴ്ചപ്പാടുകൾ ഓരോന്നായി നമ്മുടെ കേരളത്തിലും യാഥാർത്ഥ്യമാവുകയാണെന്ന് കേന്ദ്രമന്ത്രി സുരേഷ് ഗോപി വ്യക്തമാക്കി. യാത്രക്കാരുടെയും നഗരവാസികളുടെയും ദീർഘകാല ആവശ്യത്തിന് പരിഹാരമായാണ് ആധുനിക സൗകര്യങ്ങളോടുകൂടിയ പാർക്കിംഗ് സമുച്ചയം ഒരുക്കിയിരിക്കുന്നത്.
