ചാബഹാർ തുറമുഖ പദ്ധതിക്ക് കേന്ദ്ര ബജറ്റിൽ പണം വകയിരുത്താത്തതിൽ വിഷമം പരസ്യമാക്കിഇറാൻ. ഇന്ത്യയെ സംബന്ധിച്ചിടത്തോളം തന്ത്രപ്രധാനമായ ഈ പദ്ധതിക്ക് ഫണ്ട് നൽകാത്തത്ഇന്ത്യയ്ക്കും ഇറാന്റെയും ഒരുപോലെ നിരാശജനകമാണെന്ന് ഇറാൻ വിദേശകാര്യ മന്ത്രി അബ്ബാസ്അരാഗ്ചി പറഞ്ഞു.
ഇന്ത്യയുടെ മധ്യേഷ്യയിലേക്കും യൂറോപ്പിലേക്കുമുള്ള ‘സുവർണ്ണ കവാടം’ എന്നാണ് ചാബഹാറിനെഅരാഗ്ചി വിശേഷിപ്പിച്ചത്. പ്രധാനമന്ത്രി നരേന്ദ്ര മോദി തന്നെ മുൻപ് ചാബഹാറിനെ ഇത്തരത്തിൽവിശേഷിപ്പിച്ചിട്ടുണ്ടെന്നും, ഈ തുറമുഖം പൂർണ്ണതോതിൽ വികസിപ്പിച്ചാൽ ഇന്ത്യൻ മഹാസമുദ്രമേഖലയെ മധ്യേഷ്യയുമായും കൊക്കേഷ്യയുമായും യൂറോപ്പുമായും ബന്ധിപ്പിക്കുന്ന ഏറ്റവും മികച്ചട്രാൻസിറ്റ് റൂട്ടായി ഇത് മാറുമെന്നും അദ്ദേഹം വ്യക്തമാക്കി.
ഇറാനിൽ പ്രതിഷേധം നടത്തുന്ന സാധാരണക്കാർക്കെതിരെ ഭരണകൂടം കൂട്ടക്കൊലയുമായി രംഗത്ത് എത്തിയതിനു പിന്നാലെയാണ് ചാബഹാർ തുറമുഖ പദ്ധതിക്ക് കേന്ദ്ര ബജറ്റിൽ പണം അനുവദിക്കാതെ ഇരുന്നത്.
