അബുദാബി : ഇറാൻ ഗൾഫ് രാജ്യങ്ങൾക്കെതിരെ നടത്തുന്ന ആക്രമണങ്ങൾക്കെതിരെ രൂക്ഷ വിമർശനവുമായി യുഎഇ പ്രസിഡന്റിന്റെ ഉന്നത ഉപദേഷ്ടാവ് അൻവർ ഗർഗാഷ്. ഇറാന്റെ ആക്രമണങ്ങൾ മൂലം ഗൾഫ് രാജ്യങ്ങൾ ഇസ്രായേലുമായി കൂടുതൽ അടുക്കുകയാണ് ചെയ്യുന്നതെന്ന് അദ്ദേഹം വ്യക്തമാക്കി. ഇറാന്റെ പ്രവൃത്തികൾ മൂലം ഗൾഫ് രാജ്യങ്ങളിലെ ഇസ്രായേലിന്റെ പങ്കു കുറയ്ക്കുകയല്ല, മറിച്ച് അത് ശക്തിപ്പെടുകയാണ് ചെയ്യുന്നത് എന്നും അൻവർ ഗർഗാഷ് അഭിപ്രായപ്പെട്ടു.
നേരത്തെ ഇസ്രായേലുമായി നല്ല ബന്ധത്തിൽ അല്ലായിരുന്ന ഗൾഫ് രാജ്യങ്ങൾ പോലും ഇപ്പോൾ പരസ്പരം ഒരു പാത തുറന്നിരിക്കുന്നു. ഇറാൻ നടത്തുന്ന ആക്രമണങ്ങൾ മൂലം യുഎസുമായും ഇസ്രായേലുമായും വിവിധ വിഷയങ്ങളിൽ സഹകരിക്കാൻ ഇപ്പോൾ ഗൾഫ് രാഷ്ട്രങ്ങൾ തയ്യാറായിരിക്കുകയാണ്. ഇറാനിയൻ ആക്രമണങ്ങൾ ഗൾഫ് രാജ്യങ്ങളെ ഇസ്രായേലിന്റെ ആയുധങ്ങളിലേക്ക് തള്ളിവിടുക കൂടിയാണ് ചെയ്യുന്നത് എന്നും അൻവർ ഗർഗാഷ് വ്യക്തമാക്കി.
