പ്രീ-പോൾ സർവേകൾ വോട്ടർമാരെ തെറ്റിദ്ധരിപ്പിക്കും ; നിരോധിക്കണമെന്ന് ആവശ്യപ്പെട്ട് കോൺഗ്രസ്

തിരുവനന്തപുരം : പ്രീ-പോൾ സർവേകൾ നിരോധിക്കണമെന്ന് ആവശ്യപ്പെട്ട് കോൺഗ്രസ്. വോട്ടെടുപ്പിന് മുന്നോടിയായി മാധ്യമങ്ങൾ നടത്തുന്ന പ്രീ പോൾ സർവേകൾ നിരോധിക്കണം എന്ന ആവശ്യം ഉന്നയിച്ച് കോൺഗ്രസ് തിരഞ്ഞെടുപ്പ് കമ്മീഷനെ സമീപിച്ചു. മാധ്യമങ്ങൾ നടത്തുന്ന പ്രീ പോൾ സർവേക്കെതിരെയാണ് തെരഞ്ഞെടുപ്പ് കമ്മീഷന് പരാതി നൽകിയിരിക്കുന്നത്

ഇത്തരം സർവേകൾ ശാസ്ത്രീയമല്ലെന്നും പലതും ഭരണകക്ഷിയെ സഹായിക്കാൻ ലക്ഷ്യമിട്ടുള്ള ‘പെയ്ഡ് സർവേകൾ’ ആണെന്നും കോൺഗ്രസ് ആരോപിക്കുന്നു. തിരഞ്ഞെടുപ്പിന് ആഴ്ചകൾക്ക് മുൻപ് പുറത്തുവിടുന്ന സർവേ ഫലങ്ങൾ നിഷ്പക്ഷരായ വോട്ടർമാരുടെ തീരുമാനങ്ങളെ സ്വാധീനിക്കാൻ സാധ്യതയുണ്ടെന്ന് കോൺഗ്രസ് ചൂണ്ടിക്കാട്ടി . ജയിക്കാൻ സാധ്യതയുള്ള പാർട്ടിക്ക് വോട്ട് ചെയ്യുക എന്ന പ്രവണത (Bandwagon Effect) ഇത് സൃഷ്ടിക്കുന്നുവെന്നും പരാതിയിൽ സൂചിപ്പിക്കുന്നു.