ലോക പൈതൃക പട്ടികയിലുള്ള പെറുവിലെ ‘നസ്ക ലൈൻസ്’ (Nazca Lines) കാണാനായിവിനോദസഞ്ചാരികളുമായി പറന്ന ചെറുവിമാനം തകർന്നുവീണ് 13 പേർ കൊല്ലപ്പെട്ടു. പതിനൊന്ന്വിദേശ വിനോദസഞ്ചാരികളും രണ്ട് വിമാന ജീവനക്കാരുമാണ് മരിച്ചത്. ശനിയാഴ്ച പ്രാദേശികസമയം ഉച്ചയ്ക്ക് ഒരു മണിയോടെ പ്യൂബ്ലോ വിയേജോ (Pueblo Viejo) മേഖലയിലാണ് നാടിനെനടുക്കിയ അപകടമുണ്ടായത്. മരിച്ചവരിൽ ഇറ്റലി, ജർമ്മനി, സ്പെയിൻ എന്നീ രാജ്യങ്ങളിൽ നിന്നുള്ളവിനോദസഞ്ചാരികളാണ് ഉൾപ്പെട്ടിട്ടുള്ളത്.
പെറുവിയൻ വിമാനക്കമ്പനിയായ ഏറോഡയാനയുടെ (Aerodiana) സെസ്ന ഗ്രാൻഡ് കാരവൻ(Cessna Grand Caravan) എന്ന വിമാനമാണ് അപകടത്തിൽപ്പെട്ടത്. തലസ്ഥാനമായ ലിമയിൽനിന്ന് 240 കിലോമീറ്റർ അകലെയുള്ള പിസ്കോ വിമാനത്താവളത്തിൽ നിന്ന് ടേക്ക് ഓഫ് ചെയ്തവിമാനം ആകാശയാത്ര തുടങ്ങി മിനിറ്റുകൾക്കകം എയർ ട്രാഫിക് കൺട്രോളുമായുള്ള ബന്ധംനഷ്ടപ്പെടുകയും നിയന്ത്രണം വിട്ട് തകർന്നുവീഴുകയുമായിരുന്നു. ഏഴ് ഇറ്റലിക്കാർ, രണ്ട്ജർമ്മൻകാർ, രണ്ട് സ്പാനിഷ് പൗരന്മാർ എന്നിവർക്ക് പുറമെ പൈലറ്റുമാരായ അമേരിക്കോസലാസർ, ഐറെങ്ക ഡെൽ കാർപിയോ എന്നിവരാണ് ദാരുണമായി കൊല്ലപ്പെട്ടതെന്ന് പെറുവിയൻഗതാഗത മന്ത്രാലയം സ്ഥിരീകരിച്ചു. വിമാനം തകർന്ന് പൂർണ്ണമായും കത്തിനശിച്ചതിനാൽ ആരുംതന്നെ രക്ഷപ്പെട്ടിട്ടില്ലെന്ന് സ്ഥലത്തെത്തിയ പൊലീസ് അറിയിച്ചു.
യുനെസ്കോയുടെ ലോക പൈതൃക പട്ടികയിൽ ഉൾപ്പെട്ടിട്ടുള്ള പ്രദേശമാണ് നസ്ക ലൈൻസ്. മരുഭൂമിയിൽ വരച്ചിട്ടുള്ള കൂറ്റൻ മൃഗങ്ങളുടെയും മറ്റും രൂപങ്ങൾ ആകാശത്തുനിന്ന്വീക്ഷിക്കുന്നതിനായി ഓരോ വർഷവും ലക്ഷക്കണക്കിന് വിനോദസഞ്ചാരികളാണ് ഇവിടേക്ക്എത്തുന്നത്. വിമാനം താഴെ വീണയുടനെ പൊട്ടിത്തെറിക്കുകയായിരുന്നുവെന്നാണ് ദൃക്സാക്ഷികൾപറയുന്നത്. അപകടകാരണം വ്യക്തമല്ലെന്നും ഏവിയേഷൻ അധികൃതർ സംഭവസ്ഥലത്തെത്തിഅന്വേഷണം ആരംഭിച്ചതായും സർക്കാർ വ്യക്തമാക്കി. 2010-ലും 2022-ലും സമാനമായരീതിയിൽ ഈ പ്രദേശത്ത് വിമാനങ്ങൾ തകർന്നുവീണ് നിരവധി വിനോദസഞ്ചാരികൾകൊല്ലപ്പെട്ടിരുന്നു.
