ചാർജ് ചെയ്യുമ്പോഴോ ഗെയിം കളിക്കുമ്പോഴോ ഇനി അതുമല്ലെങ്കിൽ വെറുതെ സോഷ്യൽമീഡിയയിലൂടെ സ്ക്രോൾ ചെയ്യുമ്പോഴോ ഒക്കെ സ്മാർട്ട്ഫോൺ കൈയ്യിലിരുന്ന് കത്തുന്നത് പോലെചൂടാകുന്നത് നമ്മളിൽ പലരുടെയും ദിവസേനയുള്ള അനുഭവമാണ്. ഫോൺ അമിതമായി ചൂടായികൈയിൽ വയ്ക്കാൻ പോലും പറ്റാത്ത അവസ്ഥയുണ്ടാകുമ്പോൾ ഇത് കേടാകുകയോപൊട്ടിത്തെറിക്കുകയോ ചെയ്യുമോ എന്ന ഭയത്തിലാണ് ഉപയോക്താക്കൾ. എന്നാൽ സ്മാർട്ട്ഫോൺഉപയോക്താക്കളെ ഏറെ അലട്ടുന്ന ഈ ഓവർഹീറ്റിംഗ് പ്രശ്നത്തിന് വിപ്ലവകരമായ പരിഹാരംകണ്ടെത്തിയിരിക്കുകയാണ് മദ്രാസ് ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജിയിലെ (ഐഐടിമദ്രാസ്) ഗവേഷകർ.
സ്മാർട്ട്ഫോണുകളുടെ അതിസൂക്ഷ്മമായ ഉള്ളറകളിൽ തങ്ങിനിൽക്കുന്ന ചൂടിനെ കാര്യക്ഷമമായിപുറന്തള്ളാനുള്ള അത്യാധുനിക സാങ്കേതികവിദ്യയാണ് ഐഐടി മദ്രാസിലെ ഗവേഷക സംഘംവികസിപ്പിച്ചെടുത്തിരിക്കുന്നത്. ഫോണിന്റെ ഡിസ്പ്ലേയ്ക്ക് തൊട്ടുതാഴെയുള്ള വളരെ കുറഞ്ഞവിസ്തീർണ്ണമുള്ള ഭാഗത്ത് ചൂട് കുടുങ്ങിക്കിടക്കുന്നതാണ് ഫോൺ പെട്ടെന്ന് ചൂടാകാൻ പ്രധാനകാരണം. കേവലം ഒരു പെയിന്റ് പാളിയേക്കാൾ കനം കുറഞ്ഞ ഈ ചെറിയ ഇടത്തിൽ നിന്ന് ചൂടിനെപുറത്തേക്ക് എത്തിക്കുക എന്നത് ഇലക്ട്രോണിക്സ് രംഗത്ത് എന്നും വലിയൊരുവെല്ലുവിളിയായിരുന്നു.
കനത്ത ഗെയിമുകൾ കളിക്കുമ്പോഴും ദീർഘനേരം വീഡിയോ ഷൂട്ട് ചെയ്യുമ്പോഴും ഉയർന്നക്വാളിറ്റിയിൽ വീഡിയോ കോളുകൾ ചെയ്യുമ്പോഴുമാണ് ഫോണുകളിലെ പ്രൊസസറുകൾ കൂടുതൽഅധ്വാനിക്കുകയും ആന്തരിക ഊഷ്മാവ് വൻതോതിൽ ഉയരുകയും ചെയ്യുന്നത്. ഇതിനൊപ്പം ചാർജ്ചെയ്യുമ്പോൾ ഉണ്ടാകുന്ന ചൂട് കൂടിയാകുമ്പോൾ സ്ഥിതി കൂടുതൽ വഷളാകുന്നു. ഈ ചൂടിനെകൃത്യമായി പുറത്തേക്ക് വഴിതിരിച്ചുവിടുന്ന ഐഐടി മദ്രാസിന്റെ പുതിയ വിദ്യ ഫോണുകളുടെപ്രവർത്തനം കൂടുതൽ സുഗമമാക്കാനും ബാറ്ററിയുടെയും മറ്റ് ഘടകങ്ങളുടെയും ആയുസ്വർധിപ്പിക്കാനും സഹായിക്കും.
ഭാവിയിൽ പുറത്തിറങ്ങുന്ന സ്മാർട്ട്ഫോണുകളിൽ ഈ സാങ്കേതികവിദ്യപ്രയോജനപ്പെടുത്തുന്നതോടെ ഉപയോക്താക്കളുടെ കാലങ്ങളായുള്ള ഈ വലിയ പരാതിക്ക് പൂർണ്ണപരിഹാരമാകുമെന്നാണ് വിലയിരുത്തപ്പെടുന്നത്.
