ജന്തർ മന്തറിൽ നടത്താൻ നിശ്ചയിച്ചിരുന്ന കോക്രോച്ച് ജനതാ പാർട്ടിയുടെ പ്രതിഷേധ സമരത്തിന് മുന്നോടിയായി പ്രമുഖ യൂട്യൂബർ ധ്രുവ് റാഠിയെ ഡൽഹി പോലീസ് കസ്റ്റഡിയിലെടുത്തു. ഗുരുഗ്രാം സെക്ടർ 56-ലെ അദ്ദേഹത്തിന്റെ വസതിയിൽ നിന്നാണ് ശനിയാഴ്ച രാവിലെ ഡൽഹി പോലീസ് അദ്ദേഹത്തെ കസ്റ്റഡിയിലെടുത്തത്.
പ്രതിഷേധത്തിൽ പങ്കെടുക്കുമെന്ന് വ്യക്തമാക്കി ധ്രുവ് റാഠി വെള്ളിയാഴ്ച രാത്രി തന്റെ എക്സ് അക്കൗണ്ടിൽ വീഡിയോ പങ്കുവെച്ചിരുന്നു. ജർമനിയിൽ നിന്ന് ഇന്ത്യയിലെത്തിയ അദ്ദേഹം ഒക്ടോബർ 8-ന് ബെംഗളൂരുവിൽ നടന്ന പ്രതിഷേധത്തിലും പങ്കെടുത്തിരുന്നു. സമരത്തിന് അനുമതി നിഷേധിച്ചതിനെത്തുടർന്ന് ഡൽഹിയിൽ സുരക്ഷ ശക്തമാക്കുകയും വിവിധ ഭാഗങ്ങളിൽ നിന്നായി ഇരുന്നൂറിലധികം പ്രക്ഷോഭകരെ പോലീസ് കരുതൽ തടങ്കലിൽ പാർപ്പിക്കുകയും ചെയ്തിട്ടുണ്ട്.
