മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെ പുറത്താക്കണമെന്ന് ആവശ്യപ്പെട്ട് ദില്ലിയിൽ പ്രതിഷേധിച്ച മുതിർന്ന സിപിഎം നേതാക്കളെ കൂട്ടത്തോടെ ദില്ലി പോലീസ് കസ്റ്റഡിയിലെടുത്തു. കേരള ഹൗസിന് മുന്നിൽ നിന്ന് പ്രതിഷേധ മാർച്ചിന് ഒരുങ്ങുന്നതിനിടെയാണ് സിപിഎം ജനറൽ സെക്രട്ടറി എം എ ബേബി, സംസ്ഥാന സെക്രട്ടറി എം വി ഗോവിന്ദൻ, കേന്ദ്രകമ്മിറ്റി അംഗങ്ങളായ പി കെ ശ്രീമതി, കെ കെ ശൈലജ മുൻ മുഖ്യമന്ത്രി പിണറായി വിജയൻ എന്നിവരെ പോലീസ് കസ്റ്റഡിയിലെടുത്തത്.
പ്രതിഷേധവുമായി എത്തിയ മുഖ്യമന്ത്രി പിണറായി വിജയൻ അടക്കമുള്ള നേതാക്കളെയും പോലീസ് വഴിയിൽ തടഞ്ഞു. ദില്ലി പോലീസിന്റെ നടപടി ജനാധിപത്യ ധ്വംസനമാണെന്നും കോക്രോച്ച് ജനതാ പാർട്ടി (സിജെപി) നടത്തുന്ന സമരത്തിന് പിന്തുണ നൽകേണ്ടത് ജനാധിപത്യം സംരക്ഷിക്കാൻ അനിവാര്യമാണെന്നും പിണറായി വിജയൻ മാധ്യമങ്ങളോട് പ്രതികരിച്ചു. പിരിഞ്ഞുപോകാൻ പോലീസ് ആവശ്യപ്പെട്ടെങ്കിലും ഏതൊരു സാഹചര്യത്തിലും ജന്തർമന്തറിലേക്ക് മുന്നേറുമെന്ന് നേതാക്കൾ വ്യക്തമാക്കുകയായിരുന്നു.
