ന്യൂഡൽഹി: രാജ്യത്തിൻ്റെ ഭരണഘടനാ സ്ഥാപനങ്ങളെയും ജനാധിപത്യ മൂല്യങ്ങളെയും നിരന്തരംവെല്ലുവിളിക്കുന്ന അരാജകവാദികളുടെയും രാജ്യവിരുദ്ധ ശക്തികളുടെയും പുതിയ നാടകത്തിന്ഡൽഹി ജന്തർമന്തർ വേദിയാകുന്നു. മുഖ്യ തിരഞ്ഞെടുപ്പ് കമ്മീഷണർ ജ്ഞാനേഷ് കുമാറിനെപുറത്താക്കണമെന്ന അസംബന്ധ ആവശ്യവുമായി ‘കോക്രോച്ച് ജനതാ പാർട്ടി’ (സി.ജെ.പി) നടത്തുന്ന പ്രതിഷേധ പ്രകടനത്തെ നേരിടാൻ ഡൽഹി പൊലീസ് സജ്ജമായി. ഡൽഹിയുടെക്രമസമാധാന നില തകർക്കാനും രാജ്യത്തിന്റെ പരമാധികാര സ്ഥാപനങ്ങളെ സമ്മർദ്ദത്തിലാക്കാനുംലക്ഷ്യമിട്ടുള്ള ഈ നീക്കത്തിനെതിരെ ശക്തമായ മുൻകരുതലുകളാണ് ഭരണകൂടംസ്വീകരിച്ചിരിക്കുന്നത്.
തലസ്ഥാന നഗരിയിൽ അക്രമപരമ്പരകളും അനാവശ്യ സംഘർഷങ്ങളും ഒഴിവാക്കുന്നതിന്റെഭാഗമായി മണ്ടി ഹൗസ്, ഫിറോസ് ഷാ റോഡ് മേഖലകളിൽ വൻ പോലീസ് സന്നാഹത്തെയാണ്വിന്യസിച്ചിരിക്കുന്നത്. നഗരത്തിന്റെ സുരക്ഷ ഉറപ്പാക്കാൻ മൾട്ടി-ലേയർ ബാരിക്കേഡുകളും റാപ്പിഡ്ആക്ഷൻ ഫോഴ്സിന്റെയും (ആർ.എ.എഫ്) സവിശേഷ വനിതാ സേനയായ ‘പിങ്ക് ഫോഴ്സിന്റെയും’ നേതൃത്വത്തിൽ കനത്ത കാവലാണ് ഏർപ്പെടുത്തിയിട്ടുള്ളത്. സുരക്ഷയുടെ ഭാഗമായി ചില മെട്രോസ്റ്റേഷനുകളിലെ ഗതാഗത നിയന്ത്രണങ്ങളും ഏർപ്പെടുത്തിയിട്ടുണ്ട്.
പ്രതിഷേധക്കാരുടെ ഭാഗത്തുനിന്നുള്ള അക്രമങ്ങളും പിന്നീട് പോലീസിനെതിരെവ്യാജപ്രചാരണങ്ങളും ഉണ്ടാകാനുള്ള സാധ്യത മുൻകൂട്ടി കണ്ടാണ് സുരക്ഷാ സംവിധാനങ്ങൾശക്തിപ്പെടുത്തിയിരിക്കുന്നത്. ഡ്യൂട്ടിയിലുള്ള എല്ലാ ഡൽഹി പൊലീസ് ഉദ്യോഗസ്ഥരെയുംയൂണിഫോമിൽ ഘടിപ്പിച്ച ബോഡി ക്യാമറകൾ ധരിപ്പിച്ചിട്ടുണ്ട്. കുറഞ്ഞ വെളിച്ചത്തിലും വ്യക്തമായദൃശ്യങ്ങൾ പകർത്താൻ ശേഷിയുള്ള ഈ അത്യാധുനിക ക്യാമറകൾ സമരാഭാസങ്ങളുടെയുംകലാപശ്രമങ്ങളുടെയും യഥാർത്ഥ മുഖം പുറത്തുകൊണ്ടുവരുമെന്ന് പൊലീസ് വ്യക്തമാക്കി. “ഞങ്ങൾ എവിടെയെങ്കിലും തെറ്റ് ചെയ്തിട്ടുണ്ടോ എന്ന് ഈ ബോഡി ക്യാമറകൾ തെളിയിക്കും; നിയമവിരുദ്ധമായി ഒന്നും അനുവദിക്കില്ല” എന്ന് ഡൽഹി പൊലീസ് ഉദ്യോഗസ്ഥർ വ്യക്തമാക്കുന്നു.
