എം.വി നികേഷ് കുമാര് 54 ചെക്ക് കേസില് പെട്ടത് വ്യക്തിപരമായല്ല, കമ്പനിക്കായാണ്, കൃത്യനിര്വ്വഹണത്തിന്റെ ഭാഗമായാണ് എന്ന റിപ്പോര്ട്ടര് ചാനല് അധികൃതരുടെ വിശദീകരണം കഴിഞ്ഞ ദിവസം പുറത്ത് വന്നിരുന്നു. ഇതിനെ വിമര്ശിച്ച് നിരവധി ട്രോളുകളും പ്രതികരണങ്ങളുമാണ് സോഷ്യല് മീഡികളില് പ്രചരിക്കുന്നത്.
സരിത ഒപ്പിട്ടത് ടീം സോളാറിന് വേണ്ടിയല്ലേ എന്ന മറു ചോദ്യമാണ് ഇതില് കൂടുതല് പ്രചരിക്കുന്നത്. അന്ന് സരിതയെ പൊളിച്ചടുക്കിയതിന്റെ ശാപമാണ് ഇപ്പോള് നികേഷിനെ വേട്ടയാടുന്നതെന്നും ചിലര് പറയുന്നു.
ചില ഫേസ്ബുക്ക് പ്രതികരണങ്ങള് വായിക്കാം-
[fb_pe url=”https://www.facebook.com/abhilash.gnair.7/posts/810745955725268″ bottom=”30″]
[fb_pe url=”https://www.facebook.com/jibi.sadasivan.3/posts/10209505981703345″ bottom=”30″]
[fb_pe url=”https://www.facebook.com/sree.nath.90857/posts/1076800022362043?pnref=story” bottom=”30″]
അഴീക്കോട്ട് സിപിഎം സ്ഥാനാര്ത്ഥിയായ എംവി നികേഷ്കുമാറിനെതിരെ ദിനം പ്രതി നിരവധി വിവാദങ്ങളാണ് ഉയരുന്നത്. ചാനല് പ്രശ്നം പരിഹരിക്കാന് നിയമസഭ സമാജികനാകാന് ശ്രമിക്കുകയാണ് നികേഷ്കുമാര് എന്നാണ് ഒരു ആരോപണം. ഓഹരി നല്കാമെന്ന് നല്കി വഞ്ചിച്ചുവെന്ന കേസ്് നിലവില് ഹൈക്കോടതി സ്റ്റേ ചെയ്തിരിക്കുകയാണ്. ഈ സ്റ്റേ നീക്കണമെന്ന് സര്ക്കാര് ഹൈക്കോടതിയില് ആവശ്യപ്പെട്ടിട്ടുണ്ട്. ഈ കേസ് അട്ടിമറിക്കാന് നികേഷ് കുമാര് ശ്രമിക്കുന്നു എന്ന് കാണിച്ചുള്ള വിഎസ് അച്യുതാനന്ദന്റെ കത്ത് പുറത്ത് വന്നതും സിപിഎമ്മിന് തിരിച്ചടിയായി.
ഇതിനിടെ ബാര് മുതലാളി രാജ്കുമാര് ഉണ്ണിയില് നിന്ന് നികേഷ് കുമാര് 20 ലക്ഷം രൂപ വാങ്ങിയെന്ന് ആരോപണവും ഉയര്ന്നു. റിപ്പോര്്ട്ടര് ചാനല് ജീവനക്കാരുടെ പിഎഫ് അടക്കുന്നില്ലെന്ന പരാതിയും ഉയര്ന്നു.
ഇതിനിടെ പാര്ട്ടി ചിഹ്നത്തില് എംവി നികേഷിനെ മത്സരിപ്പിച്ചതിനെതിരെ സിപിഎം അണികള്ക്കും എതിര്പ്പുണ്ട്.
Discussion about this post