വസായ്: കേരളത്തില്‍ സിപിഎമ്മുകാര്‍ ബിജെപി ആര്‍എസ്എസ് പ്രവര്‍ത്തകര്‍ക്കു നേരെ നടത്തുന്ന അക്രമണത്തില്‍ പ്രതിഷേധിച്ച് മുംബൈയില്‍ പ്രതിഷേധ പ്രകടനം. കേരളത്തിലെ അക്രമത്തിന് മുംബൈയില്‍ അതേ നാണയത്തില്‍ തിരിച്ചടി നല്‍കുമെന്ന് ബിജെപി പാല്‍ഘര്‍ ജില്ലാ പ്രസിഡന്റ് പാസ്‌കല്‍ ധനാരെ മുന്നറിയിപ്പ് നല്‍കി. ബിജെപി വസായ് മണ്ഡലം കമ്മിറ്റി സംഘടിപ്പിച്ച പ്രതിഷേധ മാര്‍ച്ചില്‍ സംസാരിക്കുകയായിരുന്നു അദ്ദേഹം.
മുമ്പ് സിപിഎം നേതാവായിരുന്ന പാസ്‌ക്കല്‍ ധനാരെ പിന്നീട് ബിജെപിയില്‍ ചേര്‍ന്നയാളാണ്. ”ദഹാനു ഒരുകാലത്ത് സിപിഎമ്മിന്റെ കോട്ടയായിരുന്നു. താനടക്കമുള്ള ആദിവാസി ജനവിഭാഗം സിപിഎമ്മിന്റെ പൊള്ളത്തരം തിരിച്ചറിഞ്ഞതുമൂലമാണ് വന്‍ഭൂരിപക്ഷത്തില്‍ താന്‍ നിയമസഭയില്‍ എത്തിയത്. കേരളത്തിനു പുറത്തും ലോകമുണ്ടെന്ന് സിപിഎം മനസിലാക്കണം. ബിജെപി സംസ്ഥാന ഓഫീസിനു നേരെ ഇരുട്ടിന്റെ മറവില്‍ ആക്രമണം നടത്തിയ സിപിഎമ്മിന്റെ ക്വട്ടേഷന്‍ സംഘങ്ങളെ നിലയ്ക്കു നിര്‍ത്തിയില്ലെങ്കില്‍ ദൂരവ്യാപകമായ പ്രത്യാഘാതം സിപിഎം നേരിടേണ്ടിവരും-പാസ്‌ക്കല്‍ ധനാരെ ബിജെപി മുംബൈ നേതാവ്
നൂറ് കണക്കിന് പേര്‍ പങ്കെടുത്ത പ്രതിഷേധ മാര്‍ച്ചിന് ബിജെപി മണ്ഡലം അദ്ധ്യക്ഷന്‍ ഉത്തംകുമാര്‍, ശേഖര്‍ ധുരി, വിനോദ്കുമാര്‍ തുടങ്ങിയവര്‍ നേതൃത്വം
നല്‍കി.
Discussion about this post