പത്തനംതിട്ട: തദ്ദേശസ്വയംഭരണ വകുപ്പ് മന്ത്രി കെ.ടി ജലീല് ശബരിമലയില് സന്ദര്ശനം നടത്തി. ഇതാദ്യമായാണ് ഒരു മുസ്ലിം മന്ത്രി ശബരിമലയില് സന്ദര്ശനം നടത്തുന്നത്. മതമൈത്രിയുടെയും മതസൗഹാര്ദത്തിെന്റയും ശ്രീകോവിലാണ് അയ്യപ്പ സന്നിധാനമെന്ന് കെ.ടി ജലീല് പ്രതികരിച്ചു.
”അയ്യപ്പന്റെ ശ്രീകോവിലിന് തൊട്ടു മുന്നിലായാണ് വാവരേയും അടക്കം ചെയ്തിട്ടുള്ളത്. മത-ജാതി വ്യത്യാസമില്ലാതെ എല്ലാവര്ക്കും പ്രവേശിക്കാവുന്ന ഒരിടമാണിത്. ഹിന്ദു മതവിശ്വാസികള്ക്ക് ഇവിടെ ഏതറ്റം വരെ പോകാവോ അവിടം വരെ ഏതൊരു വിശ്വാസിക്കും കടന്ന് ചെല്ലാനാകും. അയ്യപ്പേന്റയും വാവരുടേയും കഥകള് തന്നില് ഉണര്ത്തുന്നത് മമ്പുറം സയ്യിദ് അലവി തങ്ങളുടേയും അദ്ദേഹത്തിന്റെ കാര്യസ്ഥനായിരുന്ന കോന്തു നായരുടേയും ചരിത്രമാണെന്ന് മന്ത്രി ഒരു പത്രത്തിന് നല്കിയ പ്രതികരണത്തില് പറഞ്ഞു.
ശബരിമല മണ്ഡല – മകരവിളക്ക് സൗകര്യങ്ങളുടെ മുന്നൊരുക്കങ്ങള് ചര്ച്ച ചെയ്യാന് ദേവസ്വം മന്ത്രി കടകംപള്ളി സുരേന്ദ്രന് വിളിച്ച് ചേര്ത്ത യോഗത്തില് പങ്കെടുക്കാനാണ് കെ.ടി ജലീല് സന്നിധാനത്തെത്തിയത്.
Discussion about this post