കൊല്ലം: കൊല്ലം ഡി.സി.സി ഓഫീസിലിരുന്ന് പരസ്യമായി മദ്യപിക്കുന്ന കോണ്‍ഗ്രസ് പ്രവര്‍ത്തകരുടെ ചിത്രങ്ങള്‍ പുറത്തായി. ജവഹര്‍ലാല്‍ നെഹ്‌റുവിന്റേയും ആര്‍. ശങ്കറിന്റേയും ഫോട്ടോക്ക് മുന്നിലിരുന്നാണ് കോണ്‍ഗ്രസ് പ്രവര്‍ത്തകര്‍ മദ്യപിക്കുന്നത്. കൈരളി പീപ്പിളാണ് ചിത്രം പുറത്തുവിട്ടത്.
കേരളത്തില്‍ മദ്യനിരോധനം നടപ്പിലാക്കുമെന്ന് ഉറക്കെ പ്രഖ്യാപിക്കുകയും പാര്‍ട്ടിയുടെ ഓഫീസില്‍ ഇരുന്ന് തന്നെ പരസ്യമായി മദ്യപിക്കുകയും ചെയ്യുന്നത് കോണ്‍ഗ്രസിന്റെ ഇരട്ടത്താപ്പാണെന്ന ആക്ഷേപവും ഇതിനകം ഉയര്‍ന്നിട്ടുണ്ട്. ഡി.സി.സി ഓഫീസിലെ കോണ്‍ഫറന്‍സ് ഹാളില്‍ ജവഹര്‍ലാല്‍ നെഹ്‌റുവിന്റെ ചിത്രങ്ങളുടെ മുന്നില്‍ മദ്യക്കുപ്പികള്‍ നിരത്തിവെച്ചാണ് രണ്ട് പ്രവര്‍ത്തകര്‍ മദ്യപിക്കുന്നത്. മദ്യപിച്ച ശേഷം പ്രവര്‍ത്തകര്‍ കിടക്കുന്നത് പ്രതാപവര്‍മ്മ തമ്പാന്‍ മുന്‍കൈയെടുത്ത് നിര്‍മ്മിച്ച പുതിയ മുറിയിലാണെന്നും റിപ്പോര്‍ട്ടുകളില്‍ വ്യക്തമാക്കുന്നുണ്ട്.
അതേസമയം കോണ്‍ഗ്രസ് ഓഫീസില്‍ ഇരുന്നുകൊണ്ടുള്ള പ്രവര്‍ത്തകരുടെ മദ്യപാനത്തെ കുറിച്ച് പ്രതികരിക്കാന്‍ കോണ്‍ഗ്രസിന്റെ മുതിര്‍ന്ന നേതാക്കളൊന്നും തയ്യാറായിട്ടില്ല.
Discussion about this post