ഇറാനിലെ ടെഹ്റാനില് കൊല്ലപ്പെട്ട ഇസ്മായില് ഹനിയയ്ക്ക് പകരം ഹമാസിന്റെ പുതിയ നേതാവായി തിരഞ്ഞെടുക്കപ്പെട്ടത് ഇസ്രായേല് ഹിറ്റ് ലിസ്റ്റില് ഒന്നാം നമ്പറുകാരനായ ഭീകരന് യഹിയ സിന്വാറാണ്. ഹനിയ കൊല്ലപ്പെട്ട് ഒരാഴ്ച തികയുന്നതിന് മുന്പാണ് പുതിയ നേതാവ് സ്ഥാനമേല്ക്കുന്നത്.
23 വര്ഷത്തോളം ഇസ്രായേലിന്റെ തടങ്കലിലായിരുന്നു സിന്വര്. 2011ല് ഹമാസ് ബന്ദിയാക്കിയ ഫ്രഞ്ച്-ഇസ്രായേല് സൈനികന് ഗിലാദ് ഷാലിറ്റിനെ മോചിപ്പിക്കുന്നതിന് പകരമായി സിന്വറിനെ വിട്ടയയ്ക്കുകയായിരുന്നു. അതേസമയം യഹിയ സിന്വാറിന്റെ കാര്യത്തില് ഉടന് തീര്പ്പുണ്ടാക്കുമെന്ന് ഇസ്രായേല് അറിയിച്ചു.
ഹമാസ് എന്ന ഭീകര സംഘടനയെ ഭൂമിയില് നിന്ന് എത്രയും വേഗം തുടച്ചുനീക്കുന്നതിന് ഒരു കാരണം കൂടിയായി യഹിയയുടെ സ്ഥാനാരോഹരണമെന്നും ഇസ്രായേല് വിദേശകാര്യ മന്ത്രി ഇസ്രായേല് കാറ്റ്സ് പറഞ്ഞു. യഹിയ സിന്വറിനെ ഇല്ലാതാക്കുമെന്നും കാറ്റ്സ് സമൂഹമാദ്ധ്യമത്തില് പങ്കുവച്ച കുറിപ്പില് പറയുന്നു.
2017 ല് സിന്വാര് ഗാസ മുനമ്പിലെ ഹമാസിന്റെ നേതാവായി ഒക്ടോബര് 7 ന് നടന്ന യുദ്ധക്കുറ്റങ്ങള് ആരോപിച്ച് അന്താരാഷ്ട്ര ക്രിമിനല് കോടതി അറസ്റ്റ് വാറണ്ട് പുറപ്പെടുവിച്ച നിരവധി ഹമാസ് നേതാക്കളില് ഒരാളാണ് സിന്വാര്. അതേസമയം ഇസ്രായേല് ആക്രമണത്തിന് ശേഷം ഒളിവിലായിരുന്ന സിന്വാറിനെ തലവനാക്കുന്നതിലൂടെ ഹമാസ് വ്യക്തമായ സന്ദേശമാണ് നല്കുന്നത് എന്നാണ് വിലയിരുത്തല്.
Discussion about this post