അഞ്ചുവര്ഷം കണ്ട് വൈഎസ് ജഗന്മോഹന് റെഡ്ഢിയും കൂട്ടരും ഒഫീസിലിരുന്ന് തിന്നത് 18 ലക്ഷം മുട്ടപഫ്സെന്ന് കണക്ക്.അതായത് ഒരു ദിവസം അകത്താക്കിയത് 993 എണ്ണം. ഒരാള് ഭക്ഷണം കഴിച്ചതിനെക്കുറിച്ച് കണക്കുപറയുന്നത് മോശമാണെങ്കിലും അതെന്തൊരു തീറ്റയെന്നാണ് ഇപ്പോള് മുന്മുഖ്യമന്ത്രിയുടെകാലത്തെ സാമ്പത്തി ക്രമക്കേടുകള് അന്വേഷിക്കാനിറങ്ങിയ ഉദ്യോഗസ്ഥരുടെ സംശയം. അഞ്ച് വര്ഷത്തിനിടെ മുഖ്യമന്ത്രിയുടെ ഓഫിസ് ‘മുട്ട പഫ്സി’നായി 3.62 കോടി രൂപ ചെലവഴിച്ചത്രേ.
അഞ്ചുവര്ഷം കൊണ്ട് മുഖ്യമന്ത്രിയുടെ ഓഫീസ് തിന്നു തീര്ത്തത് 18ലക്ഷം പഫ്സ്. അതേസമയം, ഓഫീസിലെ ലഘുഭക്ഷണത്തിനായി ചെലവഴിച്ച തുക പെരുപ്പിച്ച് കാണിച്ച് ജഗന് മോഹനെ അപമാനിക്കാനാണ് ശ്രമമെന്ന് ആരോപിച്ച് വൈഎസ്ആര് കോണ്ഗ്രസ് രംഗത്ത് വന്നിട്ടുണ്ട്.
2014-19 കാലയളവില് ചന്ദ്രബാബു നായിഡുവിനും മകന് ലോകേഷിനും ലഘുഭക്ഷണം നല്കുന്നതിനായി സര്ക്കാര് 8.5 കോടി ചെലവഴിച്ചെന്നൊരു പ്രതിരോധവും വൈഎസ്ആര് കോണ്ഗ്രസ് ഉയര്ത്തുന്നുണ്ട്. എന്നാല് ഈ ആരോപണം തികച്ചും വ്യാജമാണെന്ന് ടിഡിപി എക്സില് പോസ്റ്റ് ചെയ്തിട്ടുണ്ട്.
രുഷികൊണ്ടയിലെ ആഡംബര വസതിയുടെ നിര്മാണത്തിനും, ഔദ്യോഗിക വസതികളുടെ നവീകരണം എന്നിവയ്ക്ക് ജഗന്മോഹന് സര്ക്കാര് കോടികള് ചെലവഴിച്ചുവെന്നും ടിഡിപി ആരോപിക്കുന്നു . ജഗന് മോഹന് റെഡ്ഡിക്ക് ഉണ്ടായിരുന്ന സുരക്ഷയെക്കുറിച്ചും ഇത്തരത്തിലുള്ള ആരോപണങ്ങള് ഉയര്ന്നിരുന്നു. ജഗന് സെക്യൂരിറ്റി സ്കാം എന്ന ഹാഷ്ടാഗോടെയായിരുന്നു ഈ ടിഡിപി ക്യാംപെയിന്.
Discussion about this post