ചണ്ഡീഗഡ്: ബഹുനില കെട്ടിടത്തിന്റെ മുകളിൽ നിന്നും വീണ് ഓയോ സ്ഥാപകൻ റിതേഷ് അഗർവാളിന്റെ പിതാവ് ശ്രീ രമേഷ് അഗർവാൾ മരിച്ചു. ഇക്കാര്യം റിതേഷ് അഗർവാൾ തന്നെയാണ് സമൂഹമാദ്ധ്യമം വഴി പങ്കുവച്ചത്. ഗുരുഗ്രാമിലായിരുന്നു അപകടം.
രണ്ട് ദിവസം മുൻപായിരുന്നു റിതേഷിന്റെയും ഗീതാൻഷ സൂവിന്റെ വിവാഹം. ഇതിന് ശേഷമുള്ള ചടങ്ങുകൾ പുരോഗമിക്കുന്നതിനിടെയായിരുന്നു അപകടം. കെട്ടിടത്തിന്റെ 20ാം നിലയിൽ നിന്നുമാണ് അദ്ദേഹം വീണത്. ബാൽക്കണിയിൽ നിന്നും കാല് തെറ്റി വീഴുകയായിരുന്നുവെന്നാണ് വിവരം. താഴെ വീണ ശ്രീ രമേഷ് അഗർവാളിനെ ഉടനെ ആശുപത്രിയിൽ എത്തിച്ചു. എന്നാൽ പരിക്ക് ഗുരുതരമായതിനാൽ മരിക്കുകയായിരുന്നു. അദ്ദേഹത്തിന്റെ മൃതദേഹം ഗുരുഗ്രാമിലെ സ്വകാര്യ ആശുപത്രിയിൽ സൂക്ഷിച്ചിരിക്കുകയാണ്. പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് കൈമാറും.
ശക്തിയും വെളിച്ചവുമായിരുന്ന പിതാവ് തന്നെവിട്ട് പോയതായി റിതേഷ് അഗർവാൾ ട്വിറ്ററിൽ കുറിച്ചു. എല്ലാ ദിവസവും തന്നെയും അത് പോലെ എല്ലാവരെയും പ്രചോദിപ്പിക്കുന്ന വ്യക്തിത്വമായിരുന്നു അദ്ദേഹം. അപ്രതീക്ഷിക വിയോഗം കുടുംബത്തിന് തീരാനഷ്ടമാണ്. ജീവിതത്തിലെ കഠിനമായ നിമിഷങ്ങളിൽ തന്നെ മുന്നോട്ട് നയിച്ചത് അദ്ദേഹമാണ്. പിതാവിന്റെ വാക്കുകൾ ഇപ്പോഴും പ്രതിധ്വനിയായി മുഴങ്ങുകയാണെന്നും റിതേഷ് അഗർവാൾ വ്യക്തമാക്കി.
Discussion about this post