ജര്‍മ്മന്‍ പ്രസിഡന്റ് ഫ്രാങ്ക് വാള്‍ട്ടര്‍ സ്റ്റെയ്ന്‍മയറുമായി വിദേശകാര്യമന്ത്രി സുഷമാ സ്വരാജ് ശനിയാഴ്ച കൂടിക്കാഴ്ച നടത്തി. ആദ്യമായാണ് സ്റ്റെയ്ന്‍മയര്‍ ഇന്ത്യ സന്ദര്‍ശിക്കുന്നത്. തന്ത്രപരമായ പങ്കാളിത്തം മെച്ചപ്പെടുത്താന്‍ വേണ്ടിയുള്ള കാര്യങ്ങളാണ് ഇരുവരും ചര്‍ച്ച ചെയ്തത്.
രാജ്ഘട്ടില്‍ രാഷ്ട്രപിതാവിന് ശ്രദ്ധാഞ്ജലിയര്‍പ്പിക്കുക കൂടിയുണ്ടായി സ്റ്റെയ്ന്‍മയര്‍. ഇന്ത്യയുടെ നേട്ടങ്ങളോട് തനിക്ക് ബഹുമാനമുണ്ടെന്നും അദ്ദേഹം കൂട്ടിച്ചേര്‍ത്തു. ജര്‍മ്മന്‍ ചാന്‍സലറായ ആഞ്ചല മെര്‍ക്കല്‍ ജര്‍മ്മന്‍ പാര്‍ലമെന്റില്‍ വീണ്ടും തിരഞ്ഞെടുക്കപ്പെട്ട സാഹചര്യത്തില്‍ സ്റ്റെയ്ന്‍മയറുടെ ഈ ഇന്ത്യന്‍ സന്ദര്‍ശനം പ്രാധാന്യം അര്‍ഹിക്കുന്ന ഒന്നാണ്.
Discussion about this post