ഡല്‍ഹി: കേന്ദ്ര ആഭ്യന്തര മന്ത്രി ആഭ്യന്തരമന്ത്രി അമിത്ഷായുടെ അരുണാചല്‍പ്രദേശ് സന്ദര്‍ശനത്തിനെതിരെ വിമര്‍ശനവുമായി ചൈന. രാഷ്ടീയമായ പരസ്പര വിശ്വാസത്തെ ഇന്ത്യ ഇതുവഴി അട്ടിമറിച്ചുവെന്നായിരുന്നു ചൈനയുടെ വിമര്‍ശനം. അരുണാചല്‍പ്രദേശ് ഇന്ത്യയുടെ ഭാഗമാണെന്ന് ചൈന ഒരിക്കലും അംഗീകരിച്ചിട്ടില്ല. മന്ത്രിയുടെ സന്ദര്‍ശനം ഇരു രാജ്യങ്ങളും തമ്മിലുള്ള അതിര്‍ത്തി തര്‍ക്കം രൂക്ഷമാകാനേ സഹായിക്കൂവെന്നും ചൈനീസ് വിദേശകാര്യ വക്താവ് പറയുന്നു.
അതിര്‍ത്തി തര്‍ക്കം കൂടുതല്‍ വഷളാക്കുന്ന നടപടികളിലേയ്ക്ക് പോകരുതെന്ന് ചൈന ഇന്ത്യയോട് അഭ്യര്‍ഥിച്ചു.
3,488 കിലോമീറ്റര്‍ പ്രദേശമാണ് ഇന്ത്യയും ചൈനയും തമ്മില്‍ തര്‍ക്കത്തിലുള്ളത്. യഥാര്‍ഥ നിയന്ത്രണ രേഖയെന്നാണ് ഈ പ്രദേശം അറിയപ്പെടുന്നത്.
ബുധനാഴ്ചയാണ് അമിത്ഷാ അരുണാചലില്‍ സന്ദര്‍ശനം നടത്തിയത്. വിവിധ വികസന പ്രവര്‍ത്തനങ്ങളുടെ ഉദ്ഘാടനവും അദ്ദേഹം നിര്‍വഹിച്ചിരുന്നു.
Discussion about this post