കൊച്ചി : സംസ്ഥാന ചലച്ചിത്ര പുരസ്കാര വിതരണ വേദിയില് സ്ത്രീവിരുദ്ധ പരാമര്ശം നടത്തിയ അലന്സിയറിനെതിരെ വിമര്ശനവുമായി നടന് ധ്യാന് ശ്രീനിവാസന്. അങ്ങനെയൊരു അഭിപ്രായം അദ്ദേഹത്തിനുണ്ടായിരുന്നെങ്കില് ചടങ്ങ് ബഹിഷ്കരിക്കുകയായിരുന്നു വേണ്ടിയിരുന്നതെന്ന് താരം പറഞ്ഞു. നദികളില് സുന്ദരി യമുന എന്ന പുതിയ ചിത്രത്തിന്റെ പ്രചാരണ പരിപാടിയില് മാദ്ധ്യമ പ്രവര്ത്തകരുടെ ചോദ്യത്തിന് മറുപടി പറയുകയായിരുന്നു ധ്യാന്.
“വളരെ അടുത്ത സുഹൃത്തും ജ്യേഷ്ഠതുല്യനുമാണ് അലന്സിയര്. പക്ഷേ അദ്ദേഹത്തിന് അത്തരമൊരു അഭിപ്രായമുണ്ടെങ്കില് ആ പരിപാടിക്ക് പോകാതിരിക്കുകയാണ് വേണ്ടുന്നത്. ഇത് പറയാന് വേണ്ടി അവിടെ പോയപോലെയാണ് തനിക്ക് തോന്നുന്നത്. ഒരു സ്റ്റേജ് കിട്ടുന്ന സമയത്ത് പലര്ക്കും ഒന്ന് ആളാവാനും ഷൈന് ചെയ്യാനും ഒക്കെ തോന്നും. ഒരു പബ്ലിസിറ്റി സ്റ്റണ്ടായിട്ടാണ് എനിക്ക് അനുഭവപ്പെട്ടത്”, ധ്യാന് പറഞ്ഞു.
സംസ്ഥാന ചലച്ചിത്ര അക്കാദമിയുടെ പരിപാടിയില് പങ്കെടുത്തു കൊണ്ടാണ് അദ്ദേഹം ഇങ്ങനെയൊരു പ്രസ്താവന നടത്തിയിരിക്കുന്നത്. നടപടിയെടുക്കേണ്ടത് ഇവിടുത്തെ സിസ്റ്റമാണ്. അതെടുക്കാത്തതെന്തുകൊണ്ടാണെന്ന് അറിയില്ലെന്നും ധ്യാന് കൂട്ടിച്ചേര്ത്തു. വ്യാഴാഴ്ച വൈകിട്ടായിരുന്നു 2022-ലെ സംസ്ഥാന ചലച്ചിത്രപുരസ്കാര വിതരണം നിശാഗന്ധിയില് നടന്നത്. കുഞ്ചാക്കോ ബോബനും വിന്സി അലോഷ്യസും ഉള്പ്പെടെ ഒട്ടുമിക്ക പുരസ്കാര ജേതാക്കളും ചടങ്ങിനെത്തിയിരുന്നു.
നല്ല ഭാരമുണ്ടായിരുന്നു അവാര്ഡിന്. സ്പെഷ്യല് ജൂറി അവാര്ഡാണ് ലഭിച്ചത്. എന്നെയും കുഞ്ചാക്കോ ബോബനേയും ഇരുപത്തയ്യായിരം രൂപ തന്ന് അപമാനിക്കരുത്. പൈസ കൂട്ടിത്തരണം, അപേക്ഷയാണ്. സ്പെഷ്യല് ജൂറിക്ക് സ്വര്ണം പൂശിയ പ്രതിമ തരണം. പെണ്പ്രതിമ തന്ന് പ്രലോഭിപ്പിക്കരുത്. ആണ്കരുത്തുള്ള മുഖ്യമന്ത്രി ഇരിക്കുന്നിടത്ത് ആണ്കരുത്തുള്ള ശില്പം വേണം. അത് എന്നുമേടിക്കാന് പറ്റുന്നുവോ, അന്ന് അഭിനയം നിര്ത്തുമെന്നായിരുന്നു അലന്സിയറിന്റെ പരരാമര്ശം.
Discussion about this post