ന്യൂഡൽഹി: വിദ്യാർത്ഥികളോട് മോശമായി പെരുമാറിയ പരാതിയിൽ കാസർകോട് പെരിയ കേന്ദ്രസർവകലാശാലയിലെ അദ്ധ്യാപകനെതിരെ കേസ് എടുത്ത് പോലീസ്. ഇംഗ്ലീഷ് വിഭാഗം അസി. പ്രൊഫസർ ഇഫ്തിക്കാർ അഹമ്മദിനെതിരെയാണ് കേസ് എടുത്തത്. വിദ്യാർത്ഥിനികളുടെ പരാതിയ്ക്ക് പിന്നാലെ ഇഫ്തിക്കാർ അഹമ്മദിനെ കോളേജിൽ നിന്നും സസ്പെൻഡ് ചെയ്തിരുന്നു.
പരാതിയിൽ ബേക്കൽ പോലീസ് ആണ് കേസ് എടുത്തത്. ഇയാളുടെ അറസ്റ്റുൾപ്പെടെയുള്ള നടപടികളിലേക്ക് ഉടൻ കടക്കും. സംഭവത്തിൽ വിദ്യാർത്ഥിനികളുടെ മൊഴി പോലീസ് രേഖപ്പെടുത്തിയിരുന്നു. ഇതിന് പിന്നാലെയാണ് കേസ് എടുത്തത്.
എംഎ ഇംഗ്ലീഷ് ഒന്നാം വർഷ വിദ്യാർത്ഥിനികളാണ് അദ്ധ്യാപകനെതിരെ പരാതി നൽതിയത്. പരീക്ഷയ്ക്കിടെ തല കറങ്ങി വീണ വിദ്യാർഥിനിയോട് ഉൾപ്പെടെ ഡോ. ഇഫ്തികാർ അഹമ്മദ് ലൈംഗികാതിക്രമം കാട്ടിയെന്നാണ് പരാതി. സർവ്വകലാശാല ആഭ്യന്തര പരാതി പരിഹാര കമ്മിറ്റിക്ക് പരാതി നൽകിയത്. പ്രാഥമിക അന്വേഷണത്തിൽ പരാതി വാസ്തവമാണെന്ന് വ്യക്തമായിരുന്നു. ഇതോടെ പരാതി പോലീസിന് കൈമാറുകയായിരുന്നു.
Discussion about this post