ന്യൂഡൽഹി : ഭക്ഷണ പ്രേമികൾക്ക് വരുന്നൊരുക്കാൻ ഇനി സണ്ണി ലിയോണും. നോയ്ഡയിൽ പുതിയ റസ്റ്റോറന്റ് സംരംഭം ആരംഭിച്ചിരിക്കുകയാണ് നടി. ‘ചിക ലോക’ എന്നാണ് സണ്ണി ലിയോണിന്റെ പുതിയ റസ്റ്റോറന്റിന്റെ പേര്. ഭർത്താവ് ഡാനിയൽ വെബറിനോടൊപ്പം ചേർന്നാണ് തലസ്ഥാന നഗരിയോട് ചേർന്നുള്ള നോയ്ഡ സെക്ടർ 129 ൽ സണ്ണി തന്റെ പുതിയ സംരംഭത്തിന് തുടക്കം കുറിച്ചിരിക്കുന്നത്.
ഒരു എന്റർടൈനർ എന്ന രീതിയിൽ മാത്രം ഒതുങ്ങി നിൽക്കാതെ മറ്റു പല മേഖലകളിലും പ്രവർത്തിക്കാനാണ് താൻ ആഗ്രഹിക്കുന്നത് എന്ന് പുതിയ റസ്റ്റോറന്റിന്റെ ഉദ്ഘാടന ശേഷം സണ്ണി ലിയോൺ മാദ്ധ്യമങ്ങളോട് വ്യക്തമാക്കി. സ്പാനിഷ് ഭാഷയിലാണ് റസ്റ്റോറന്റിന് സണ്ണി പേര് നൽകിയിരിക്കുന്നത്. ചിക ലോക എന്നാൽ അൽപ്പം കിറുക്കുള്ള പെൺകുട്ടി എന്നാണ് അർത്ഥം എന്നും സണ്ണി വ്യക്തമാക്കി.
റസ്റ്റോറന്റിന്റെ പേരിൽ പുതിയ ഇൻസ്റ്റാഗ്രാം അക്കൗണ്ടും സണ്ണി സൃഷ്ടിച്ചിട്ടുണ്ട്. ഈ അക്കൗണ്ടിൽ അപ്ലോഡ് ചെയ്തിട്ടുള്ള വീഡിയോകൾ ഇപ്പോൾ വലിയ തരംഗമാണ് സൃഷ്ടിക്കുന്നത്. സണ്ണി ലിയോൺ പിസ്സ ഉണ്ടാക്കുന്നത് അടക്കമുള്ള വീഡിയോകൾ ആണ് ഈ ഇൻസ്റ്റഗ്രാം അക്കൗണ്ടിൽ ഷെയർ ചെയ്തിട്ടുള്ളത്. സണ്ണി ലിയോണിന്റെ നിരവധി ആരാധകരാണ് റസ്റ്റോറന്റിന്റെ വിശേഷങ്ങളും സണ്ണിയുടെ പാചക വീഡിയോകളും കാണാനായി ഇവിടെ എത്തുന്നത്.
Discussion about this post