ഡല്‍ഹി: ജെഎന്‍യു വിദ്യാര്‍ഥി യൂണിയന്‍ പ്രസിഡന്റ് കനയ്യ കുമാറിനും ഡല്‍ഹി സര്‍വകലാശാലാ മുന്‍ അധ്യാപകന്‍ എസ്എആര്‍ ഗീലാനിയ്ക്കുമെതിരെ സുപ്രീംകോടതിയില്‍ കോടതിയലക്ഷ്യ ഹര്‍ജി.
ഗുരു അനുസ്മരണ ചടങ്ങിനിടെ അഫ്‌സല്‍ ഗുരുവിന്റേത് ജുഡീഷ്യല്‍ കൊലപാതകമാണെന്ന് പരാമര്‍ശത്തിനെതിരെയാണ് ഹര്‍ജി. സുപ്രീംകോടതി അഭിഭാഷകന്‍ വിനീത് ധന്താണ് ഹര്‍ജി നല്‍കിയത്. ഡല്‍ഹി ഹൈക്കോടതിയും സുപ്രീംകോടതിയും ശരിവെച്ച അഫ്‌സല്‍ ഗുരുവിന്റെ വധശിക്ഷയ്‌ക്കെതിരെ സംസാരിച്ചത് കോടതിയലക്ഷ്യ നടപടിയാണെന്നാണ് ഹര്‍ജിയിലെ ആരോപണം. സുപ്രീംകോടതി ചീഫ്ജസ്റ്റിസ് ടി എസ് ഠാക്കൂര്‍ അദ്ധ്യക്ഷനായ ബെഞ്ച് അടുത്തയാഴ്ച ഹര്‍ജിയില്‍ വാദം കേള്‍ക്കും.
ജെഎന്‍യു വിദ്യാര്‍ഥികളായ ഉമര്‍ ഖാലിദ്, ലെനിന്‍ കുമാര്‍, അനിര്‍ബന്‍ ഭട്ടാചാര്യ, ഷീലാ റാഷിദ്, ദില്ലി സര്‍വകലാശാലാ അധ്യാപകന്‍ അലി ജാവേദ് എന്നിവര്‍ക്കെതിരെയും ഹര്‍ജിയില്‍ പരാമര്‍ശമുണ്ട്.
Discussion about this post