ഡല്‍ഹി: ജുഡീഷ്യല്‍ കസ്റ്റഡിയില്‍ തിഹാര്‍ ജയിലില്‍ കഴിയുന്ന ജെ.എന്‍.യു വിദ്യര്‍ഥി യൂണിയന്‍ നേതാവ് കനയ്യ കുമാറിന്റെ ഫേസ്ബുക് അക്കൗണ്ട് ഹാക് ചെയ്്തതായി റിപ്പോര്‍ട്ട്. കനയ്യ പോസ്റ്റ് ചെയ്ത ഇന്ത്യന്‍ കമ്യൂണിസ്റ്റ് പാര്‍ട്ടി (മാര്‍ക്‌സിസ്റ്റ്) ആസ്ഥാനത്തിന്റെ പശ്ചാത്തലത്തില്‍ നില്‍ക്കുന്ന പ്രൊഫൈല്‍ ചിത്രവും പട്‌നയിലെ രക്തസാക്ഷി സ്മാരകത്തിന്റെ കവര്‍ ചിത്രവുമാണ് ഹാക്കര്‍മാര്‍ മാറ്റിയത്.
സൈനികര്‍ ഇന്ത്യന്‍ പതാക ഉയര്‍ത്താന്‍ ശ്രമിക്കുന്ന ചിത്രമാണ് പുതുതായി പോസ്റ്റ് ചെയ്തിരിക്കുന്നത്. രണ്ടാം ലോകയുദ്ധ കാലത്തെ ‘ഫ്‌ളാഗ് ആഫ്റ്റര്‍ ദ ബാറ്റില്‍ ഓഫ് ഇവോ ജിമ’ എന്ന പ്രശസ്ത ചിത്രത്തിലെ അമേരിക്കന്‍ പതാക ഫോട്ടോഷോപ്പിലൂടെ മാറ്റം വരുത്തി ഇന്ത്യന്‍ പതാകയാക്കിയാണ് കനയ്യയുടെ പ്രൊഫൈലില്‍ അപ്‌ഡേറ്റ് ചെയ്തിരിക്കുന്നത്.
ശനിയാഴ്ച രാത്രിയാണ് പ്രൊഫൈല്‍ ചിത്രത്തിലും കവര്‍ഫോട്ടോയിലും മാറ്റം വരുത്തിയത്. അതേസമയം സാഹചര്യം വഷളാക്കാന്‍ ബോധപൂര്‍വമായി നടത്തുന്ന പ്രവൃത്തികളാണിതെന്നും ഇതിനെതിരെ സൈബര്‍ സെല്ലിനെ സമീപിക്കുമെന്നും വിദ്യാര്‍ഥി യൂണിയന്‍ അംഗങ്ങള്‍ അറിയിച്ചു.
Discussion about this post